ROPUI RAW SEH LAL KRISTA CHU

              

Mitin ta dingin a hung pieng,

Lal Krista chu Judai ramah,

Hnuoi tiempuia vanlal nawu chun,

Bawngin tlawm a nghak ie,

Hotuhai le lal ngurpui,

Han a pieng thu a phet suoka,

Sienkhawm David khawpui a chun,

Runtin zawtin an vai Lalpa

  Krista chu iengtinam I ngai a?

  In lungrila hmun a um am?

  Tu hun le chatuon chena cheng dingin,

  Lal le Sandamtu’n pawm I tim??

  Aw Sandamtu mi maksan naw,

  Kan lungril sungah cheng zing rawh.

A chun rieng Marin ranthlengah,

Puonnemin a sukruong a tuom,

Ka dawnin lungril a khei ngei,

Lungchim Van Lal nau chu,

Van khawpui lunglai thliek in,

Bethlehem phulleng a hung nghak,

Kei khawm sandamtu hming tannin,

Damlai thlaler nghak veng ka tih.

Van mipuihan’n an hung puonga,

Lal Krista chu ropui raw se,

Hnuoi chungah rem thu inleng sien,

Do le ral kara khawm,

Mitin lungril inthieng sien,

Van hmangaina zaia chawiin,

An nghil bik naw lawman ro bawm,

Hawnga rangkachak hlu nekin.

Ama mihan puon ang hnawl,

Lal Krista chu Judai ramah,

Jeisimon thlaler fang suokin,

Kross chungah a lu an nghat,

Ei ram ri hmun rem tinah,

Imanuel Lal a thung am?

Ruolthar nun mawi vul ve maw e,

Lal Krista le a thu a chun.

Aw lenruolhai hung tho unla,

Lal Krista hi inpak ei tiu,

Zai le biethun ka hril seng naw,

A hmangaina ropui,

Ranthleng le hling phier kuma,

 Hmangai leia min tlantu chu;

Ropui raw se Lal Krista chu.