HARIN KHEK SUOK RO

Doh is Eb                                Buonglienkung

Ei ram Kristien nun hi kimtea ka dawn changin,

Mani hmasielna le duamna ram a nih;

Thuneina, inlalna, ropuina hnawt ei tam tah.

Hmangaia mi’n tlantu chun iengtin am mi ngai a ta?

Aw! Harin khek suok ro, Lal Krista sipaihai,

Thlarau dangchara inrumhai

An bohmang zo hma hin;

Hmangaina, inremna’n ei ramah ro rel sien la,

Remna Lalpa Krista chun

Lalna chu hung chang raw seh.

Hlunlo ram ding thlira ei hun tha a liem sungin,

Chatuon bohmangnain mi lenhmang ngei a tih;

Chuleiin har ei ta, Lal krista sipaihai hi;

Vana ro inkhawl dingin chanchintha khekpui ei tiu.

Hnuoi ram huola vana ro inkhawl ei tum si hin,

Vanram thuneina le thuneina intlun naw nih;

Sienkhawm Lalpa ta dingin ringuma ei um phawt chun,

Vanram chena  ei lawmna lallukhum hung ni’ng a tih.

Lalpa, I hmangaia thisena i‘ntlansa ha’n,

I ram phurmawitu ding thuoitu kan va ngai ngei;

Inremna le muongna kan ramah hung tlung sien la

Suol thuneina hnungsawnin hnena hla rem tang ei tih.