A HRIL ANGIN A THO NAWK TAH

1.      Leilung insiengtir anthawkin, Thlan hnena ropui changa;

Thina ti-um hnea thonawk, hnuoi mihriem lai an um am?

Hnuoi mihriem lai an um der nawh, Lal Krista cho naw hi chu,

Ama Krista cho hi a ni Thina hnea tho nawk chu.

A hril angain Sandamtu Lalpa Krista,

A tho nawk ta Halleluiah inpak ro;

Khawvel po po zaiin sip sien, Tupui infawn vel hai le;

Leilungin hla mawi rem raw se, Lal Krista a tho nawk tah.

2.      Thlan le charna sir chu hawnin, Thina kawtkhar a ner thleng;

Thina khura um insuoin, Paradisah a thuoikai;

Thi le nat um tanaw na hmun, chatuon in inhawia chun

A vuongkai pui Lalpa Isu’n, Lawm a va um ngei de aw!

3.      Lal Krista thonawkna leiin, Van Edenthar ei chang tah.

Ama anga sukdanglamin, Van thuomin inthuon ei ta;

Halleluiah ti a inpakin, Chatuon in-ah leng ei ta;

Thonawk Lalpa Krista tiin, Chawnban vawr sieu sieu ei tih.