LAWNGCHAWLNA KHAWPUI

Doh is G                                  Buonglienkung

Hi khawvel buoina rama hin, hringnun ka lo hmanga,

Lungkham bangna ka hmu zo naw rinumna chau a nih;

Duamna inpawngnekna’n simlei a fang suok tah,

Lawngchawlna hmun Zion ram khi ngaiin ka thlir vawng vawng.

Lawngchawlna khawpui,

Van Jerusalem khi (Lalpa’n a buotsai ram a nih)

Tlansahai tuol chaina rammawi chu a lo ni si,;

Ringna lawnga intawl peiin la tlung ngei ei tih.

Ringnain ka hang thlir vela, lawngchawlna khawpui khi,

A mawiin a ropui ngei de tlansahai lengna chu;

Ram nithla senglo ram mawi chatuona var a nih,

Ei khuolzinna ram ei khei pha hlimin la leng ei tih.

Chu khawpuia tlansahai le, ei hang inkhawm pha chun,

Buoina le lungngaina khawvel ram hi ngai ta lovin;

Hmangaina le inremna’n leng kumkhuo tang ei ta,

Van Beramte chu inpakin zaitin rem tang ei tih.