KA PHUR A MI’N ZANG TAH

Doh is Db                                H. R. Tusing

Thlaler hmun ringum tak hnuoia,

Um ka ni ti reng ka lovin hriet ngai nawh;

Suok ringkawla kha chen ka lo intang lai khawm,

I Hmangaina chun saltang a mi’n suoktir tah.

Aw ka lawmna ka puong seng nawh I Hmangaina,

Suol tingreng hnuoia si’ng kan lawi hung khawm,

Thlirbik umlovin Krista’n ro a rel,

Phulo Hmangaina’n ka phur a min zang tah.

Aw ka ngai ngei ka lungdithai,

Khawvel par chena ka lung inruol puihai;

Krista zui ding chun samang the intul ta si,

Hung pan ro, Lal Krista hmangaina angsung hi.

Nunhlui ka dawng chang ni hin maw,

Khawvel hlimhlawpna vanglai chen lai ka ngai;

Sienkhawm hmelhma doral lien an lo chang zo tah,

Ngai hle lang khawm Lal Krista zui tang ka tih.

Lungdithai po le I vanram,

Inlawikim kan ti’m tia ka dawn changin;

Ka lung a zing hlak Lalpa, nang hung khek suok rawh,

Hnuoi rothil ngaiin hringnun an hmangzo ding si.