HAUSAKNA THURUK

Doh is Eb                                Lalruotkim Tusing

Khawvelin a pek theilo hlimna,

Khawvelin a hmu phaklo lawmna;

Lal Krista thisen hlu zara chun,

Hausakna thuruk chu tuhin ka lo hmu tah.

            Aw, Ka lawm ngei ie, Lalpa,

            I Hmangaina ka hmu in;

            Dotu tamin mi’n huol sienkhawm,

            Nang chu ka velin ka phaw i nih a;

            Ka ropuina le ka lu dawmsangtu i ni si.

Ka hnuoi taksa hi a hung chau va,

Thi ngam natna-in mi chim sienkhawm;

Lalpaa chun ka thla a muong si,

Ama chu ka himna kulpui nghet a ni si.

Malsawmna tinreng ka dsawng hai hi,

Lalpa, I ropuina di’n hmang la;

Ka hringna le theina neisun khawm,

I ropuina dingin, Lalpa, Ka hung inhlan.