KRISMAS IN LAWMUM A HUNG TLUNG

Krismas ni lawmum a hung tlung,

Hlim le lawmin zai vawr ei tiu;

Khawvel suola thi ta hnunghai,

Intlan suokna dingin,

Bethlehem bawngin a hung thlang;

Eini an riengnau intlan di’n,

Ranthlengah samang a hung zal,

Aw a va tlawm ngei de.

Ka thla nang khawm va fe ve la,

Bethlehem bawngin tlawm a sawn;

Naute puona tuom hmung I tih.

Chu ngei chu I sandamtu a lo nih.

Krismas ni lawmum a hung tlung,

Hlim le lawmin hla sak ei tiu;

Lungril a kuomtienga hawngin,

Tuhin chawimawi ei tiu.

Samang zalna hung maksanin;

Naute pieng chubai buk ei tiu,

Hallelui, halleui remin, a hming inpak ei tiu.

Krismas ni lawmum a hung tlung,

Hlim le lawmin inpak ei tiu;

Chunghnungtaka Pathien chau chu,

Ropuitakin um sien,

Hnuoia a lawmhai kuoma chun,

Inremna thu in leng raw se,

Tiin a hmaah kun ei ta, Krismas ni ropui ah