EI HNE NGAI DING A NIH

Doh is C                                  Dr. Ramdinthara

Zan a hung tlung mek ie, muong lovin bei ro,

Zam lovin suolral chu do pei ro;

Dak la hung thlir vel ta lanu valruolhai,

Suolna turin fam an chang tir tah.

Hnena chu puong suok ro, Lal Isu hmasuonin,

Boral mekhai sansuok vak ei tiu;

(Aw) Ei hne ngei ding a nih,

Suol thilthawtheina chu;

Hne’ng ei tiu, Hnetu Pathien Zarin.

Thlir la ei tlangram hi, aw a pawi ngei ie,

Kil tina suol ral a hrang zuol ie;

Har a hun tak set ie Lal sipai ruol hai,

Hnena hla leh ram la pei ei tiu.

Hi khawvel inthima var di’n a mi tir,

Ti lovin suol thim ner pei ei tiu;

Ei Pathien nei chun, khawvel a ngam pei si.

Ringnain hnena chu chang ie tih.