REMNA LA KRISTA

Doh is Ab                                Buonglienkung

1.      Zawlneihai hrillâwk angin,

Vân Lalnau Krista chu,

Remna palai sinthaw di’n;

Tlawm takin a hung peing Bethlehem ah,

Hnuoi le Vân inremna chanchin lawmum a nih.

      (Inpak ro, Hnuoi le Van Lal ropui).

      Hnuoi mihai lawm takin hlamawi rem ro,

      Hnuoi le Van kâra remna thu hrilin;

(Lal Krista hung peing hi a Ropui)

Tuhin ei kuomah chun Immanuel chu,

A hung chêng tah,

(Tuhin ei kuomah Sandamtu a hung chêng tah)

Lal Krista chu.

2.      Vân mipui ha’n zâi remin,

Sandamtu an chawimawi,

An zâi rimawi thangkhâwk chun;

Bethlehem laituol chu a nghawr vêl ie,

“Chunghnungtakah Pathien Ropui raw se”tiin.

3.      Van chuon inla Bethlehem,

Dâi hmun khawsawt a chun,

Mari hrai châwi naute chu;

Lawmin chibai va bûk ve ngei ei tiu,

Lawmna’n rothil hlu le iengkim chu inhlânin.

4.      Remna Lal pieng hin ei ram,

Lungril sukthar sienla,

Mitin lungril suktheingin;

Remna chanchinṭha chun hung tlung raw se,

Mi tinrêng ta dinga remna Lal a ni si.