KRISTA CHU IENTINAM I NGAI A?

Doh is A                                               

1.      Mitin ta dingin a hung pieng, Lal Krista chu Judai ramah,

Hnuoi tiempuiah Vân Lalnau chun, Ranthlêng tlâwm a nghâk ie;

Hotuhai le lal ngûrpuiha’n a peing thu an phêt suok a,

Sienkkhawm David khawpuia chun;

Runtin zâwtin an vâi Lalpa.

         Krista chu ientinam am in nagi a?

         In lungrila hmun a um am?

         Tu hun le chatuon chena chêng dingin,

         Lal le Sandamtu’n pawm I tim?

         Aw Sandamtu mi mâksan naw,

         Kan lungril sûngah chêng zing rawh.

2.      A chûn rieng Mari’n ranthlêngah,

Puonnêmin a sakruong a tuom;

Ka dâwnin launglai a kham ngei, Lungchim Van Lalnau chu,

Vân khawpui lunglai thliekin, Bethlehem phûllêng a hung nghâk,

Kei khawm Sandamtu hming ṭanin,

Damlai thlalêr nghâk vêng ka tih.

3.      Vân mipuiha’n an hung puonga, Lal Krista chu Ropui raw seh,

Hnuoi chungah remthu inlêng sien, Do le râl kâra khawm,

Mitin lungril inthieng sien, Van hmangaina zâia châwnin,

An nghil bîk naw lawman robawm,

Hawnga rângkachak hlu nêkin.

4.      Ama mi ha’n puong ang an hnâwl, Lal Krista chu Judai ramah,

Jeisimom thlalêr fang suokin, Kraws chungah lu an nghat;

Ei ram ei hnam rûn tinah, Immanuel Lal a ṭhung am?

Ruolthar nunmawi vul ve raw aw, Lal Krista le a thu a hin.

5.      Aw lenruolhai hung tho unla, Lal Krista hi inpâk ei tiu,

Zâi le biethu’n ka hril seng nawh, a Hmangaina Ropui;

Ranthlêng le hlingphier khuma, Hmangai leia min thlantu chu,

Hringna tharin Halleluijah! Ropui raw seh, Lal Krista chu.