LALPA CHU KA BERAMPU A NIH

Doh is Ab                    H P Runremthang

Lalpa chu ka Berampu a ni tlasam naw ning,

Hlohna hring dup hmun a khawm mi thuoi a ta;

Chawlna tuipanga hai khawm hlimtakin mi thuoi a tih,

Min thlathlam ta ngai naw ni ka damsungin.

A va Ropui ngei de ka Lalpa,

I mi thuoi na tinreng hi Hmangaina lampui a ni si;

Khawmp le thleitaka  um chang ni um sienlakhawm,

Saruok, beidawng, lungzing, thlaksamni um a tih,

Tapna ruom hrawlai khawmin,

Hmangaina a nim hmutir,

Lalpa chu ka Berampu thatak a nih.

Mi dotu mithmu le sawiseltuhai kar a khawm,

Dawkan I buotsai hlak si ka hma a hin;

I Lalthungpha ropui a, Lal anga inthung dingin,

Ka lu hi hriek I nal ta Halleluijah.

Khawvel hausakna ringtuhai chu phingtam an ta,

Mani felna suongtu chu dangchar a tih;

Lalpa ringtuhai ruok chun thitha hrim tlasam naw nih,

Lalpa Pathien hring chu an rochan a nih.

Hnuoi taksa hi chauin thlarau hi ngui hlak sienkhawm,

Thlarau Thienghlimin a mi siemthar nawk hlak;

Ama kan hmangsan khawmin felna lampui a mi hril,

Lalpa chu ka Berampu thatak a nih.