Misiemthar nawk rawh

Word: Buonglienkung

Doh is C

Hi kan zinna le kan khuolna rama hin chu,

Ka thla reng a ngam thei nawh Lalpa mi ṭhuoi rawh;

Thim la thuneina hnuoia ka pil zo hma hin,

Aw vân Thlarau Thienghlim mi hung kan thar rawh.

            Aw ka lawman lalpa, iengkim a ka iengkim,

            Thina varuom lampui hraw chu mi phal lul naw;

            Hnena puonzar khaia I hnung zui dingin,

            Ka hringnun hluotu hi aw mi hnem pek rawh.

Hnuoi lungngaina le buoina ha’n mi chim sienkhawm,

Vân Lal Imanuel nangin mi ṭhuoi pei la;

Suol thuneina hnuoia intâng santu dingin,

Lalpa ka hringna hi mi siemthar nawk rawh.

Mihriem felna le thiemna’n I rawng ka bawl a,

Sienkhawm hmangaina danah a tling zo si nawh;

Aw nang vân Thlarau Thienghlim I ṭhang sin aw chun,

Mihriem hi iengmalo el kan ni si a.