Lalpa miṭhuoi dan

Word: H.P.Runremthang

Doh is F

Lalpa mi ṭhuoi dân ka ngaituo’n,

Hriet khawplo hai I mi hriet a;

Iengkhawm lo hai I mi kan a,

Mi lienhai lai I mi’n chêng tir ve hi.

            A va nak ngei I mi ṭhuoi dân,

            Thi vâng vâng a hring zing siin;

Hrilsietna le hnengdena kârah,

            Pasie anga umin tlâksam rêng nei loin;

            Lungngai hunah aw mi thlamuongin,

            Kan rimsikna khawm lâwmin inching tir hlak.

A changing suorsietna hmunah,

A changing tui damna hmunah;

Kalchawi dân kan inhmang khawmin,

Nangin lawn dân I min chûktir nâwk hlak.

Tiena Jacob khuolzin angin,

Saruok elin kan pên suok a;

Tu ruok hin chun I malsâwmna,

Ka tiem khawmin Lalpa, ka tiem sêng nawh.

A châng hin chu nuor ngawi ngawiin,

Dawntu neilo ang el ka nih;

Sienkhawm thununa hlaw lo chun,

I nau duotlai ni thei ka ti’m Lalpa.