Harin Kheksuok Ro

Ei ram Kristien nun hi kimte a ka dawn changing,

Mani hamsielna le duamna ram a nih;

Thuneina inlalna ropuina hnawt ei tam ta,

Hmangaia min tlantu chun iengtinam mi ngai a ta.

            Aw harin kheksuok ro Lal Krista sipaihai,

            Thlarau dangchara in rumhai an bohmang zo hma hin;

            Hmangsina inremna ei rama rorel sien la,

            Remna Lalpa Krista chun Lalna chu hung chang raw se.

Hlunlo ram ding thlira ei hun ṭha a liem sung hin,

Chatuon bohmangnain mi len hamng ngei a tih;

Chuleiin har ei ta Lal Krista sipai hai hi,

Vâna ro inkhawl dingin chanchinṭha khêk pui ei tiu.

Hnuoi ram huola vâna ro inkhawl ei tum si hin,

Vânram thuneina le lalna in tlun naw nih;

Sienkhawm Lal ta dinga ringuma ei um phawt chun,

Vâna chena ei lawman lallukhum hung ning a tih.

Lalpa I hmangaia thisena in tlansa hân,

I ram phurmawitu ding ṭhuoitu kan va ngai ngei;

Inremna le moungna kan rama hung tlung sien la,

Suol thuneina hnungsawnin hnena hla rem tang ei tiu.