Damlai Thlaler

Damlai thlaler kan zinna le kan vakvaina ram hin,

Lungngainahai sumpui angin nitin an mi tuom vel;

Sienkhawm ka Lalpa rawlmawi chun,Hmangaiin mi ko a,

Ka nau mi lungsietum tak mi hung zui raw tiin.

            Aw ka chengna thlaler ram hi,

            Suoksanin fesan tang ka che;

            Ka hringnun sukmuolpho tu I nih,

Felna thing Lalpa phun mawi taka chun,

            Lungawi takin chawl hadam tang ka tih.

Thlaler ram ṭawl ringna rama ka hun ka lo hmang lain,

Hmangaina tui infawn vel chun;

A mi hung siemthar tah,

Lawmin ka  Lalpa chu inpak thi chena ringum dingin,

Ka chengna thlaler ram hi ngaiin thlir tan aw ning.

Krista hmangaina a inthawkin iengkhawm in mi ṭhe naw nih,

Saruokna le phingṭamna han mi hung chim vel sienkhawm;

Mi sukhrattu Lalpa le chun iengim ka thaw thei a ni si,

Lungngain ale riumna lawman par an chang tah.