KHAWVEL AHIN LAL TAMTAK

KHAWVEL AHIN LAL TAMTAK

Khawvel a hin lal tamtak an lo pieng tah a,

Sienkhawm Lal kristan ang hi an la pieng ngai nawh;

Van Lalnau ahung suok Bethlehem bawng in ah,

Van Lalnau lawm dingin hnuoi le van mi an fiel

Hlimtakin lawm ei tiu Van LAlnau inpakin

A suok ni lawmin leilung hi zaiin sip sien

Van Lalnau ahung suok Lal Kraun min khum tir di’n

Van mi khawmin mi hung lawm pui ve raw hai se.

Van mipui tiem seng naw’n an lawm hla an hung rem

An rawlmawi thangkhawk vel chu berampu’n an hriet

Lal Krista zalna chu fel takin an hril a

An beram maksan in Lal chibai an buka

Khawsak mivar hai khawm rimtui chaawiin an hung

Thang vana arasi’n an hma ahung thuoi a

Ranthlenga anu Mari chain an vahmuh

An robawm hai hawngin Lal chibai an buk a.

Lal heroda ruok chun a lunginzing puia

Hlema chibai buk tumin mivarhai an don

A pheisen rala khawm  Judai ram vela mi,

Chibai bukna rapthlak pe dingin an suok tah

Isu, voisun hin kan lungrul bawngin tlawmah

Insieng thar nawk la nang kan chatuon LAl dingin;

Kan kut in rieng hi Mari kut ang in ngai la,

Kum khuotluonga lawmin hlim kum khuo tang kan tih.