LALPA HI HI KA NGEN CHE

Word & Tune. HP. Runremthang

Lalpa I thlarau in fang suok nawk la,

Kan khuotlang le sungtin kul hai achim zo tah;

I ram sana hne na kan chang laiin,

Hriet naw Karin hraichawi lenghai, sal in an ṭhuoi mek ie.

                Aw Lalpa hi hi ka nge che

                Hnawt lang hnawt phak ka tim;

                Naupang hai ṭhuoi lo in iengtin am hung ka ta,

Kan tarhai le nau nuhmeihai nau pasalhai

Kan ranruolhai iengkim le I ram miṭhuoi tlung la,

Bawipu ṭhang lo chun iengtin am hung ka tah.

Hnuoia rochan fanau kan dawnghai hi,

Suol thunei na hnuoi a an um kan phal lul nawh;

Ṭhuoitu ropui Mosie’n a ṭhuoi ang khan,

Lungdit popo le I vanram achun miṭhuoi rawh.

Ei runsung a suol ral hrang mek laihin,

Lalram sanin iengtin am pen hla thei ei ta;

Tho eita eiin tieng kir nawk ei tiu,

Sungtin kulhai lo chimsienkhawm, indin thar nawk ei tiu.

Lalpa I malsawmna’n mi vur lakhawm,

Hnuoi a hausa vana saruok ain lawi chu’

I hma a ieng thiemthu am hril kan ta,

Kan rila rochan hai le I ram mintlun ngei rawh.