ARON INTHAWINA

Word: Thangzarlien

Doh is Bb

Khawvêl mawina le hausaknahai,

Nei naw langkhawm Lal Isu ka nei tah;

Lungawina mak tak Krista a chun,

Ka lo nei ve ta si Halleluiah!

Aron inthawinahai chu a ngai ta nawh,

lalKrista thisen ka suol inthawina anih;

vâna lallukhum ka chang ve theina di’n,

Krista’n ka suol po po a ngaidam tah.

Thisen ropui tak, thisen mak tak,

Thisen thienghlim Kalvaria luong kha;

Ka suol sâwpfaina a lo ni si,

A ropui ngei de aw, Halleluiah!

Adam a silfên chu hlip thlain,

Krista silfênin a mi’n thuom ta si;

Ro thil dang rêng rêng a ngai ta nawh,

Krista ka rochan hlu ani lem si.