Khawvel a ngaituo leiin,

1. Khawvel a ngaituo leiin,
Hnuoiah rinum a tuor a;
Khawvel hming an ziek lai khan,
Bethlehem bawng in sungah;
Sandamtu'n a mi zawng a,
A umdan sukdanglamin;
Bethlehem bawng in sung ah,
Ramthlengah an inzaltir.

2. Herodin a zawng vel a,
Ei Lalpa sukhlum dingin;
Nisienkhawm vantirkovin,
Josefa kawlah a hril;
"A nu le naute thuoila,
Aigupta ram tieng tlan ro"
Tiin Lalpa'n a hril a,
A mi lungsietna leiin.

3. "Lalpa khawlam a um a?"
Tiin hang zawng veng ei tiu;
Aigupta ram tieng panin,
Ka thlarauvin zawng ve rawh,
Nangma a ngaituo lei che'n
Rinum tinreng tuor dingin;
Sandamtu a hung suok a,
Khawvel suol phurtu dingin.

4. Ei Lalpa'n a mi zawng,
Gethsemani huon sungah;
Aw lungpui saw hei en tu,
A chunga ei Lalpa saw;
Lungngaiin a tawngtai a,
A thlan thisen ang a far;
Nat tinrenghaiin an bawm,
Ei Lal lungsietumpa saw.

5. Pilatin a hriet thiem nawh,
Ei Lalpa mi zawng dan hi;
Jerusalem kul sungah,
Hnungkhirin an thuoi vel a;
A lua hling lukhum le,
A chunga kros riktak chu;
Innghatin Kalvari tlang,
Lungngaiin an inpartir.

6. Kalvari I tlung ta maw?
Khawvel suol tinreng phurin;
Kan suol leia i tuorna,
Theinghil thei naw ning Lalpa;
"Ka dang a char" i ti kha,
Theinghil thei naw ning Lalpa;
Ingtin am hung thawng ka ta,
I dangchar sukbo dingin?