HMANGAINA TÂWPKHÂWK

Word: H.P. Runremthang

Doh is F

Lalpa Isu mi hmangaina,

Inthûk le sâng zie ka dawn chânging;

Thu le hla in ka puong sêng nawh;

Lungriem mitthli’n a mi’n sil hlak,

Hmangaina tâwpkhâwk ngei alo nih.

            Hmangaina a khawm aw a tâwpkhâwk ngei!

            A mawina pop o sâwr kangin;

A ropuina khawm a min hlan

            Hieng lâwma hmangaina mak le ropui hi,

            Ka theina popo in puong ka ta,

Thi chen khawmin zuipei ka tih.

Ropuina pop o neitu le,

Hnuoi le vân thil iengkim siemtu kha;

Saruok ngawta hung insiengin,

Saruok elin fam a chang tah;

Kei misuol damna ding a lo nih.

Pathien nina nei zing sienkhawm,

Mihriem hai anga hung insiengin;

Suok anga hung inngaitlâwmin,

Thi chenin kraws a hung thlang tah;

Kei misuol damna ding alo nih.

Damnawhai khawm sukdatu le,

Mithihai chen khawm keithotu khan;

Mani insukdam nuom loin,

Thi chenin kraws alo chel tah;

Kei misuol damna ding alo nih.

Hliempui tuora ân rûm lai khawm,

A hmêlna hai ta di’n a ṭawngṭai;

“Aw Pa, anni hi ngaidam rawh.

An thilthaw an hriet nawh” tiin;

Hmangaina a khawm a tâwpkhâwk ngei.