Krista Taksa

Word: Lalremsiem
Tune: Solomon V Hmar

Nangni rawi hi Krista taksa le a peng hai in nih a,
Mikhuol chambang in ni ta nawh;
Mithienghlim hai le chun tuolhmunkhat,
Pathien sunghai in ni lem ta.

Aw unau in en chieng a hun i taksa le i hringnun kha,
Krista taksa nina hmel an lang am;
I thu'n thiemchang I ta, I thu bawkin thiem chang naw ti nih,
In en chieng la Lalpa pan rawh.

Lalpa'n ama anga thienghlim a, ama ai aw ding a,
Ami ko hai ei lo nih a;
Sienkhawm tulai ringtu nun a hin,
Krista hmel reng an lang si nawh.

Mi tukhawm Pathien in sukkhawhlo a, sukpawrche tu chu,
Aman sukkhawhlo veng a tih;
Lalpa in chu a thienghlim si a,
Chengna tlak in i sukfai am.

Tulai ringtu nun reng hang thlirin, ei sakhmel hai en in,
Krista lunglai awi thei a tim;
A chin, a lien inruithei ei ching,
I lungril ngaituo na a ṭhâm?