Angel Veng Khawpui

Word: Thangzarlien

Kan zinna hnuoi ram hi, Ka suoksan hunpha chun,
Beramte hmel ditum, lawmin hmu tang ka tih;
Jordan varal rammawi, aw tlungkar ka nghakhla ngei.

    (Aw) Angel vêng khawpui a chun,
    Zai inawi ka tih ka Sandamtu;
    (Aw) Angel vêng khawpui a chun,
    Zai inawi kka tih ka Sandamtu.

Ringna mitin ka thlir, Angel vârhai lêngna,
Tlantu ropui tak chu, hlimtakin an inpâk;
Chu hmun chu maw lo nih, Aw tlungkâr ka nghakhla ngei.

Khawpui mawi taka chun, Ri mawi ropui an rem,
An zai hlamwi rem chu A thienghlim ie tiin;
Chu hmun chu maw lo nih, Aw tlungkar ka nghak hla ngei.

I Mawi Ngei (Hmar hla) by Mary Jones

Serafimhai Hlamawi

Serafimhai Hlamawi
Word: Buonglienkung
Doh is Eb

V^ana khin hril la ning a tim?
Lalpa ropuina hi?
Ropui taka hril la ning a tih,
Chatuon khawmin tawp naw ni.

Iengkim thawthei Pathien chun,
Chatuonin ro a rêl ie;
Vân Angel Serafimhai hlamawi chu,
Sûn le zân reng a chawl naw; (a chawl naw)
A thienghlim ie, ropuina êngmawi tin zam vêl;
Chatuon nei tlak I ni ie; (Lalpa)
Halleluiah, Áthienghlim ie’tiin.

Rauthlain ka hang fang vêl ie,
Chung tieng ramropui chu;
Sandam nauhai ram a lo nih ie,
Aw, a varopui ngei de.

Vân Angel Serafimhai chun,
Zion hlamawi an rem;
Vân Ber6amte chu a thienghlim ie,
Rorelna chu chang raw se.

Chu hmun mawi le inhawi a chun,
Berâmte an chawimawi;
Vân khawpui laituol a nghawr vêl ie,
Seraphim hai zai ri chu.

Mi Ngaidam Rawh Lalpa

Word: H.P. Runremthang

Doh is G

Lalpa I Bible hril lawk angin,

I nauhai laia khawhlona lei hin;

Kan suksiet zo tah I hming ropui,

Mingaidam rawh, mi ngaidam lul rawh.

           

            Aw Lalpa, thisena’n tlan I nau,

            I hming chawimawia suk ropui ding hin;

            Chawimawi a nekin ka sukmuolpho ta che,

            Mi ngaidam rawh Lalpa, mi ngaidam rawh.

Ringnaa mi huoisen f eta ha’n,

An lungkham thei nawh hnungsawn hnuoi rinum hi;

Ram ṭha nawk zuol ngaia inrum an nih,

An ta di’n ‘Pa’ni khawm inzak si nawh.

Khawvel ropuina hliekhu ding le,

I hming ropui chawimawi a nina di’n;

I thilthawtheina ropui tak chu,

Hung puong suok nawk ta la, Aw Lalpa.

Lalpa I malsawmna ka dawng pohai,

Ka theina pohai, Lalpa ropuina di’n;

Ka lungril ngaituona popo leh,

Ka hung inhlan Lalpa, I ropuina di’n.

Isak Pathien

Word: Buonglienkung

Isak Pathien, Jacob Pathien kuomah ṭawngtaiin,

Phunnawi lovin hmatieng chun fe pei ro;

Ei chana Lalpa’n a mi ruok pek ngei chu a ni lem si a,

Lungngai sumpui zing hnuoia khawm fe pei ei tiu.

            Aw ka Lalnunem (tak) Jehove,

            Kan chunga roreltu I nia, (roreltu chu I ni a)

            Hmaṭhuoitu Lal (Isu) Hmar Arasi,

            Kan chung zawn elvartu dingin kan ngai em che.

Harsatna le beidawngna karah lêng inla khawm,

Lalpa chu ei himna kulpui a nih;

Ei hmaṭhuoitu le iengkima ei iengkim chu a ni sih a,

Hnetu Lal Imanuel chun hma ṭhuoi a tih.

Lalpa, hmangaia I mi enkawlna thurûk hi,

Mihriemna chun a suisuok zo thei nawh;

Aw Thlarau Thienghlim I mi ṭhangpuina hi kan va ngai ngei de,

I mi kona rawl fie dingin mi ṭhuoi pei rawh.

Thlarau Meiser

Word: Pastor. Lalbuotsai Buongpui

Doh is Eb

Lalpa I nau hi hung en tam,

Keima a var hrim hrim um lovin;

Zânthim lam ka hung hraw mêk ie,

Thlarau meiser ka va ngai nei aw.

            Lal mi them vel la,

            Mi hung en dik rawh;

Ritlona keimaa umhai hi,

            Hung hrufaiin mi hung sukthienghlim la;

            Thlarau meiser ka va ngai ngei aw!

Hi maw lo nih, thlarau meiser,

Tiena mihrang fam muol intluntu;

Hruihnawk le hlingbuk lai khawma,

Toṭawka zui I lo ṭul ta si.

Duthu ai-ang sâm chang khawma,

Tudang ka ngai thei nawh nang naw chu;

Hlohlingnei laia par rimtui,

Tuorna khelah lawman I lo nih.

Thlemna thlipui hung hrang vêlin,

Dotu lien le râl hugn hrang sienkhawm;

I sulhnung hung zui peiin aw,

I ram tiem hmun chu hung lut ka tih.

Phulo Hmangaina

Word: Rev. Lalnghatlien Songate

Doh is D

Hmangai lungdit fe tahai chun,

Kan zinna ram hnuoi nghawkum hi;

Hnungsawnin tudang ngai lovin an lêng,

Kei khawm lêng kar ka nghâkhla ngei.

            Aw ka lawman sukkimtu Isu,

            I hmangaina ka ta di”n a hlu;

            Harsatnahai kei di’n I lo phal si,

            Phulo hmangaina a lo va ni ngei!

Thlafam ngai pûr ka do lain,

Hlimna ding hrim ka hmu zo nawh;

Sienkhawm I hmangaina ka hriet suokin,

Thlamuongnain ka sip lem tah.

Riengvâi le rimsi hnêmtu,

Ka lungpui nghet le ka himna;

I angsung a chun ka thla a muong si,

I hming inpak naw thei kan nawh.

An lengna rammawi ka thlîrin,

Lungril mitthli’n ṭîn zai an rêl;

Harsatna leia lawman ka chang hi,

Phulo hmangaina alo nih.

I Rawngbawl Sukhar Rawh

Doh is G

Lalpa I rawngbawlna,

Mi hung sukhar pêkla;

Thilthawtheiin thu hung hril la,

I mi inhriettir rawh.

            I rawngbawl sukhar rawh,

            Lalpa kan hung ngên che;

Lalpa ropuiin mi pawl la

            Kan chungah malsawm rawh.

I rawngbawl sukhar la,

I hming ropui raw se;

I hmangaina kan lungrila,

Mei angin êng raw se.

I rawngbawl sukhar la,

I thu mal hung sawm la;

I thienghlimna le thudikna,

Ringna’n min hriettir rawh.

I rawngbawl sukhar la,

Malsawm ruo hung tir la;

Ropuina hi nangma ta chau,

Malsawmna keini ta.

Ka Thienghlimna Krista

Word: James Songrolal Songate

Doh is D

Ka thienghlimna Krista a nih,

Suolbawi anthawk min tlan suokin;

Ka zalên tah, vân ka chang tah,

Ka sandamna Krista anih.

            A ropui ie halleluiah,

            Ka sandamna Krista a nih;

            Ka felna le ka thienghlimna,

            Ka ropuina Krista a nih.

Thina, hringna, inlalna hai,

Vantirko le thuneituha’n;

Krista hmangaina anthawkin,

Mi ṭha naw nih, thil iengkhawmin.

Ralthuom ṭium tak hai nêkin,

Ka suong lem is ka Lal Krista;

Khawvêl buoina chim phâk lovah,

Ringna thlain ka’n leng dêr dêr.

Isu le Chun

Word: T. Romama

Doh is E

Chatuon ramhlun chu ei pan mêk,

Buoina sûmpui huolvel kâr ah;

Lawm le lungngai ni ei tiem nawk hlak,

Buoina khêl rammawi ei tlung hma hin chu.

            Isu (Isu naw chun Lal Isu naw chun) naw chun

            Khawvêl a hin hring hi iengmalo el a nih;

            Khawvêl varna khawm teplo a nih,

            Sienkhawm Isu le chun iengkim thaw thei a nih.

Harsat tuokni’n a mi ṭhangpui,

Thina tlung khawmin a mi hnem;

Tlaksam khawmin mi thlathlam naw nih,

Isu le chun iengkim thaw thei a nih.

Theichang kûng hai parvul nawin,

Lo in fâk ding insuo naw sien;

Huonga ranruol inlawi naw sienkhawm,

Ka lawm pei ding si a Lalpaa chun.

Berâmpu ṭha Lal Isu chu,

Hratnawhai ṭhangpuitu a nih;

A hnungzuituhai phatsan ngai lo,

Hmaṭhuoitu le nghilnei zâidam anih.

Lal Isu Ka Nei Tah

Word: Lalsangawi

Doh is Eb

Lal Isu ka nei china chun lampui chin hraw ka lo nih,

Ka nuom zawng thilhai thaw chu a rem ta nawh;

Ka chantawk a lungawiin harsain rinum sienkhawm,

A ditzawnga um dingin Lal Isu’n a mi nghak zing.

            Ka hringnun hi aw a bop ha chun,

            Ka thlantu hmel mawi ditum chu hmung ka ta;

            A chun ka hnuoi mitthli mi lo hrufai pêk a ta,

            Ropui takin leng ka tih, Lal Isu ka nei ta si.

Hnuoi hausakna inlalna le ropuina nein aw langkhawm,

Lal Isu nei ka tadi’n a hun tawk ie;

A hmelsiet ding ka phal naw, a hming chuoi ding ka phal nawh,

Ka iengkima iengkim chu Lal Isu chau hi a nih.

A harsa ngei khawvêl hi chu lungawina reng a um nawh,

Insanglemna beiseiin hmun a sip zo;

Ieng dinga ka buoi hlak am iengdinga ka lungngai am,

Lungawina him Lal Isu ka ro chan hlu a ni si.

Hungro Hungro

Word: H.P. Runremthang

Doh is G

Tiena inthawk chanchin ṭha ei dawng,

Hmangaina le inremnain ro ei rela;

Sienkhawm Lalpa maicham a chim zo tah,

Thaw ro, Lalpa maicham chi siemṭha nawk ei tiu.

            Hung ro, hung ro, Lalpa kuomah,

            Hung ro, lalpa kuomah kir ei tiu;

            Mi lo keinawi ta sienlakhawm,

            A mi sukdam  nawk ding a nih,

            Mi lo sukna ta sienlakhawm,

            A mi tuom nawk ding a ni si.

Tu lai ṭhangthar nun ṭhalaihai hin,

Khawvel tar nenetui umlo chu an fawp a;

Khawpna umlo, beidawngna chau a nih,

Hung unla Krista hringna tui chu dawn ei tiu.

Ei ram le ei hnam humhimna di’n,

Chengrang chawia doral ropui rel a ngai nawh;

Ei ralthuom chu Gospel chau hi a nih,

Chu ngei chu ei inhumhimna di’n hmang ei tiu.

Hlunlo ram thlirin ei buoi zo tah,

Ei sakhmela hai khawm lawman a um ta nawh;

Lalpaa ei lawman chu ei hratna,

Chungtieng thlir ei ta hluo senglo ram a la tam.

Muvanlai iengin ringtu nun hi,

Ei hlimthla chu hnuoiah inleng vel sienkhawm;

Ei hringna chu vansnaga leng a nih,

Suol sukhlum thei lovin Lalpa’n a mi dawmsang.

Ka Iengkima Iengkim

Word: H.P Runremthang

Doh is C

Khawvela hin inrieng thlavaiin kan ngaia,

Oasie ke saruok el nia kan ngai lain;

Ka suol leia Lalpa tuorna ka hang thlir chun,

Hril ngam ruol an naw ie aw a tuorna nat zie awh.

            Ka iengkima iengkim I lo ni Lalpa,

            Ka vhung le hnuoi tienga I min huol vela;

            Ka vawi le changah hin nang I lo um si,

            Ka iengkima iengkim I lo nih Lalpa.

Ka hnuoi tieng ka enin, ranthlengah I zalna,

Ka chung tieng ka en leh I lalṭhungpha ka hmu,

Ka sir tieng ka enin I tuorna ka hmua,

Ka hma tieng ka thlir leh beiseina varmawi ka hmu.

Lalpa tuorna khela tukhawm an um nawh,

A ropuina chunga ropui tukhawm an um bawk nawh;

Nangma leia kan hamṭhatna hi aw Lalpa,

Ka ngaituo chang hin aw, hlim zai vawr naw thei kan nawh.

Sandamtu Miṭhuoi peirawh

Word: F.C. Thanzawma

Doh is D

Damlai khawvel a hin lungawina kim reng ka hmu nawa,

Beidawngna le buoina, harsana’n nitin an mi bawm;

Sienkhawm mi hmangaitu’n ka beidawngna a hriet,

Mi’n thlathlam ngai reng reng naw nih.

            Sandamtu mi ṭhuoi pei rawh (mi ṭhuoi rawh)

            (sun zanin) Damlai thlaler hmun khawsawtah;

            Suol leia hliem tuorin, chau chang ni um sienkhawm,

            I hnung zui pei hi ka duaisam a nih,

            Inthlathlam phal ta nawng ka che.

Mi hmangaitu Lalpa nang naw chu tu dang am bel ka ta?

Lungngaina zan thima ṭhuoitu I nih ienglai khawmin;

Ringum lovin Lalpa, inphatsan ang che khawm,

Mi lo hnar bik el naw la aw.

Krista hmangaitu ha’n lungawina le muongna chu an chang,

Ringna in an fe pei ramhai an lak kir an rel naw;

Kei khawm hi ringnaa ngir a raldo dingin,

Thlarauvin miṭhuoi pei raw aw.

Vakvaile Fehmang Mekhai

Word: T. Romama

Doh is D

Aw vân Thlarau Thineghlim hung leng nawk la,

Mi umpuia mi veng hlaktu kha;

Lungsietna rawl lo hnawl hlak in la khawm,

Suol tuipuia ka pil miphal naw rawh.

            Vakvai le fehmang mekhai,

            Hnena puongsuok theilo hliem tuor mekhai;

            Ṭhuoi kirin kan sukdam zo si nawh,

            Sûnni’n tawi a harsa ngei I ṭhang naw chun.

Vân hmangaina pâr tlana leng hnung khawm,

Suol leiin ka lo inrum nawk hlak;

Sienkhawm I kuomtieng hung thlir pei ka tih,

Hratna tharin lalpa min thuom pei rawh.

Kohran hai hi sininrim inla khawm,

Nangin I ditzawng min chuktir la;

Lam indik hraw a kan inngai sung hin,

Ringna mitin min hmufie tir pei rawh.

Aw nang chatuon lalpa I ṭhangnaw chun,

Hi hnuoi rosum le iengkim hin;

Ropuina le umzie reng a nei nawh,

Kan hratna le lawman I lo ni ie.

Ka Tlinna Lalpa

Word: Rev. Ngamlalchawl

Doh is F

Kan siengna renga misuol ka ni a,

Khawvel enin thiemna ka nei nawh,

Thlîrna tinrenga ka hang thlir khawmin,

Tlinna ka nei nawh, I ta dingin.

            Ka tlinna Lalpa, ka mawina Isu,

Nang chau hi I nih, ka tlinna le lawman;

Tu’n am thiemnaw min changtir an ta?

            Thiem min chang tirtu Krista a ni sih a.

Ka ringum nawh ti I hriet ie Lalpa,

I ta di’n ka ringum si nawh a;

A mi sukhrattu Krista a chau chun,

Ringum le tlinnah I mi ngai sih.

Felna ka nei ti I hriet ie Lalpa,

Sienkhawm fela I mi ruot si a;

Ka felnawna popo chu inbelin,

I felna puonin I min thuom tah.

Tlinna neilo, tlinah I mi ruot chun,

Hi ka damsung hun tawiteah hin;

Thi chena ringuma I rawngbawl di’n,

Ka hung inhlân ie ka hringna hi.

Lalpa Misuol Ka Nih

Word: H.P.Runremthang

Doh is Gb

Aw Lalpa mi suol ka ni mi fe san rawh,

Ka ṭhatna le felnahai ka nina popo enin;

I hmaah hin suong sing ka nei nawh,

Ka in sung ka en khawmin I chengna tlak ani naw,

Sienkhawm hmangaiin I mi enkawl a.

            Aw Lalpa Pathien tu am ka na?

            Ka sunghai tu am an naw,

            Hi chen chen I mi ṭhuoi.

Khawvel mihai en angah mi en lovin,

Ka sakhmel le neinungna ka thiemna le varnahai;

Ka phulovin I mi dawm sang ah,

Hnuoi malsawmna khel tienga I van la ṭhungpha ropui,

I min hlan hi Lalpa ka phu naw ie.

Aw Lalpa I hmel var hi ka en ngam nawh,

I ṭhatna le thienghlimna I hmangaina ka hmu pha;

Ka suolna hai an lang fel hlak si,

Hiengang lawma la ropui hmangaia mi ṭhuoitu hi,

Kan phatsan hlak che himi ngaidam rawh.

A Va’n Hawi Awm Ngei

Word: Buonglienkung

Doh is G

Nghakhla takin aw ka thlir ka chatuon hmun ding,

Iengtikam chu hmunmawi chu hang tlung vêng ka ta;

Hi khawvel kan zinna ram ka suoksan pha chun,

Hlim taka inpakin la lêng ka tih.

            Aw a va’n hawi awm ngei,

            Lalpa’n mi lo pawm a tih;

            Hi khawvel hi ngai lovin,

            Vân hmangaina pâr tlânin ka la leng ding si.

Hi khawvela sum le pai rothil ka thlir chun,

Hlimna rêng a um thei nawh ka chantawk hi chu;

Vân hmuna rochan dinghai ka hang siu kîr chun,

Hlimna tawplo chu changing ka la lêng ding si.

Ropuitaka Lal Isu a hung pha chun,

Ringnawhai thla invaiin la hung um an ta;

Chu hunah ringtuhai hringna chu siemthar in,

Mû anga thlaa vuongin an la lêng ding si.

Sâng tamtakin an mi thlir chatuon hmun mawi ah,

Chu hmuna ka tlung pha chun hlimin lêng ka tih;

Ruol ditum chu hmun tlung thei di’n in zo ve tam,

Nitinin Lalpa’n a ko che hmangai rawlin.

Bel Tlak Pathien I Loh Nih

Word: Buonglienkung

Doh is D.

Aw Lalpa I kut suokhai hi ka thlirin,

I ropui zie hi hriet seng ruol a ni nawh;

I thilthawtheinain chung le hnuoi inkhum zova,

Aw Lalpa kan nei che hi kan va vangnei ngei.

            Hiengang lawma thilthawthei le ropui hi,

            (Aw) Vân hnuoi lai hin an um si nawh,

            Ringtlak le bel tlak Pathien I lo nih.

Sim le hmar, Sak le Thlang ka hei thlir vel a,

I thil siemhaiin I ropui zie an puong;

Hnuoi mihriem thiemna le varna an sang zuol po leh,

An chungah let sang tamin nang I lo um si.

Hnuoi le vânah khawm hril ni pei a tih,

I remruot dan hi a felin an dik si;

Iengkim chungah hmangainain ro I rel hlak a,

Phu ruollo malsawmnain I mi vur hlak si.