I MI HRIET TAH

Lalpa nangin nguntakin i mi en a,
ka thung le ka ngir khawm hi

Nangin i hrietnaw reng hi a um si nawh,
tlansan ngam ta ngai nawng ka che

               

                Aw Lalpa, nangin i mi hrietsuok tah

                I hrietnaw’n khawlam fe tang ka ta?

                I hmaa chun tlanhmangna a um si nawh

                Ka hringnun thuoiin mi chel rawh

Ka ngaituona hi hlataka inthawkin nangin i lo hrietthiema

Ka hnungtieng le ka hmatieng i min huola,
ka chungah i kut innghat tah

Hrietlo rama la umin i mi kan a, 
felna lampui i mi hril

Malsawmna le hlimna ram i min tlun tah,
ringtlak Pathien i lo ni ie

Hmangainain Lalpa i mi zawng suok a,
I kut hratin i mi thuoi

I ngaituona k tadi’n a va hlu de,
I hmangaina inpak ka tih

Ka lampui hi hling bawnin sip sien lakhawm, 
I ropuina hmu dingin

I kut changtieng hragtna chun mi thuoi peila,
I rammawiah mi thuoi kai rawh

LALPA KA HIMNA KULPUI

               

Aw Lalpa thatzie chu intem sin hrim ta u

Ama a ringna innghat tu chu an ham a tha ngei

Aw, a mi inthieng hai Lalpa chu ti unla, a kuom hung pan ro

Ama tit u hai ta ding chun, thlaksamna reng a um ta ngai nawh

                Aw Lalpa iv a ropui ngei , Lalpa i ropui ngei

                Ka himna kulpui i lo ni si

                Thildang po po nek a tha lem, Lalpa ring hi anih (Piano – contralto & bass)

                Hnuoi ropuina pop o nekin, ka thlang lem ie ka Lalpa chu

                Sakeibaknei vanglai hai chu, an tlasam in an phing a tam hlak

                Lalpa ringtu hai ta ding chun, tlaksamna reng a um ta ngainawh

Thina hlim varuom hraw lai khawmin Lalpa chun

Ama ringtu hai thiltha pe in a maksan ngai nawh

Lalpa ringtu chu an ham tha vadung kawl a thingphun angin

Chuoini reng reng an nei ta nawh, parvul in ra an in suo zing hlak

Ka hlimna le lawmna lalpa chau hi a nih

Ama a hung hnai chun ka hlim a tlaksam k ti nawh

Ka hringna a mi siemthar pek a, felna lampuiah a mi thuoi

Thiemnaw changreng k ti ta nawh, ka himna kulpui Lalpa a nih

KHAWLAM I UM A?

Khawlai hmun am i um a? Khawlam i la fe pei ding?

I lampui hraw kha sut ngun rawh, huntha i nei sung hin

Hun khirtak la tuok i tih, thlaphang a i’n rum hun chu

(i’n rum pha) I’n sir na hma khuo la sei a tih, In ngaituo rawh

                Khawlam i um a, khawlam i fe pei ding

                (Khawlai hmun am i um? Aw unau, khawlam i la fe pei ding)

                Ei Lalpan tuhin an dawn che (Lalpan an dawn che hmangai in)

                I fena lam ding chu, hmangaina kawt an hawnglai hin in ngaituo rawh

Hnuoi hringnun hi iem ana? Varang sum ang chau ani

Thlak hla tlak ding reng a um nawh, rinumna chau anih

Chu lei in i vanglai hun, Lalpa ta dingin

(inpe la) i lawmna lallukhum ning a tih, chatuon chen in

Bo hmangna lam hrawtu hai, beidawng in lan rum an ta

An tawp na ding chu tapna le lungngaina chau a nih

Chu lei thanghar ei  ei tiu, Lalpa kona dawn dingin

(dawn dingin) “Khawlam i um” ti in an dawn che, in ngaituo rawh

Lalpa hungnawkna ni chu, ni tinin an hnai deu deu

Kar lovin bohmang na tlung sien, unau iem chang i ta?

Hun lawmum i nei sung hin, hmangai rawl hi ngaithla la

(ei Lalpa) I umna hmun tu hin an dawn che, in ngaituo rawh

KA HRINGNA LALPA INPAK RAWH

Aw ka hringna ieng dinga i kun zing am ana?

Ieng dinga ka sunga hin i buoi am ana?

I Pathien chu beisei rawh;

A hmela damna lei chun, chatuon lawmman famkim peng a ti che.

                (Inpak rawh) Aw ka hringna Lalpa;

                Hlimtakin inpak la, Ka sunga um popo hai,

                Aw inpak zuol ro, ropuina Lalpa chu a hung lut theina dingin;

                Aw nangni kawtkhar hlunhai lo inkhai sang ro.

Zainemna, ngilneina in, Lalpa’n an khum che a;

Bohmang na a inthawkin a’n tlansuok ta che,

I ritlona po khawm chu ngaidamin a um ta a;

I hratna mu ang siemthar a ni tah.

Lalpa chun neksawr na le, rinum tuorhai ta di’n;

Thilfel hai thawpekin ro a rel pek hlaka,

Ei fel naw na hai anga ro mi rel pek ta lo in;

Beramte thisen chun a mi’n tlan tah.

DO KA TIH

Lalpa i thang naw chun (I thang naw chun)

Mihriem hi iengma lo el ka ni si (kani si)

Nang I thang si naw chun (Lalpa)

Ni khat khawm hi kum sangkhat ang el a nih

                Lalpa ka lawmna nang chau

                Ka hratna le phaw i nih

                Nangin i mi thangpui chun (Lalpa)

                Suol ral chu hne ngei ka tih

                Suol le thlemna tuifawn kara hai khawm

                I hmelmawi mi’n hmutir la

                Lalpa mi thlathlam naw (chuongchun)

                I ramsanin hmelma chu do ka tih

Lalpa i thu hring chu (I thu hring chu)

Kawlhnam ngeituo iengang hai nek khawmin (nek khawmin)

Thil a thawthei sih a (I thu)

Ru le chang, thlin kawidar khawphiel a ni si

Aw, nang thlarau thienghlim (thlarau thienghlim)

Ka fe na tluonglam khalru lien sienkhawm (lien sienkhawm)

Huoisenna mi pe la (chuongchun)

Puongpei ka tih i ram chanchin tha thu hi

RALTHUOM FAMKIM

Zan hi a bo mek a, khuo a var ding an tah,

Chu leiin thim thil thaw hai chu pei unla;

Var thuomin inthuom ro, tisa dan maksan in,

Ralthoum famkim chawiin ral chu do ei tiu.

               

                Sun a ni lai hin mi tirtu sin thaw in, Kal pen suok ei tiu,

                Lal Krista sipai hai (zamlovin);

                Ei rama suolna le Setan ral do dingin,

                Ralthuom famkim chawiin ral chu do ei tiu.

Thinmlal kul bei dingin mi hrang hai hung tho ro,

Suol thuneina hnuoia ei um zo hma hin;

Thlarau ngunhnam chawia ringna phaw inbelin,

Zamlovin Lalpa rawng chu bawl ei tiu.

Eii buon hi tisa le thisen an naw a,

Hi khawvel thim hnuoia roreltu hai le;

Van hmuna thlarau suol um hai an ni lem si,

Chulei in ralthuom famkim inthuom ei tiu.

PATHIEN THLAMUONGNA

Pathien thlamuongna danglam tak el chu

Chungtieng Pa a inthawkin a hung tlung a

Khawvel mi hai hriet phak lo hun ngei chun

Ringna thla chu zarin aw ka vuongsang pei ie

                Pathien thlamuongna

                (Pathien thlamuongna, Chatuon thlamuongna chuoithilo chu)

                Chatuon thlamuongna

                (Kristan a mi pek, Chatuona thlamuongna (ka nei tah))

                (Aw) Khawvelin a pek theilo chatuona thlamuongna danglam tak chu

                (Khawvelin a pek theilo)

                Krista’n a mi pek tah

Lungril ah lawman thar chu ka nei tah

Khawvelin a pek theilo nun chu a nih

Krista hmangaina ropui tak el chu

Chatuon lawman thar mi siem pek tu a nih si

Tuhin famkimlo silfen chu nei in

Hi ka hringna hin hnuoi ram a la hluo a

Ka hnuoi hringna hin thlan a khel pha leh

Chatuona thlamuongna famkim chang tang ka tih

THLEMIN KA LO UM A

Thlemin ka lo uma, do zo lovin ka tlukpui

Ka ta dinga rinum tuortu hre chang lovin

Setan tirko dingin ka hringna ka lo inhlan

Lalpa k hrietnaw lei chau a nih mi ngaidam rawh

                (Lalpa i kuom tieng)

                Simin ka hung pan, Lalpa mi lo pawm rawh

                Simin ka hung pan che, Lalpa mi lo pawm rawh

Lalpa i hmangaihna a lo va ropui ngei de

Sienkhawm i hmangaina hre lovin ka um si

Lalpa mi ngaidam rawn, ka hrietnaw lei chau a nih

Tuhin ka suolna hai po simin ka hung pan che

Tuhin ka hrietchieng tah, Aw Lalpa i hmangaina

Chatuona thi ding i mi hmangai lei a nih

Kei dinga i tuorna a lo va rapthlak ngei de

Thichil hmangaina hi ngei hi maw a lo ni chu

TLANGTIENGA HAI KHIN

Thlangtienga hai khin ka mit in len ka ta

Khawtienga’m thangpuina hung tlung a ta?

A mi thangpui tuding chu Lalpa

Hnuoi le van siemtu kuom a inthawkin a nih

(Lalpa) Mi vengtu chu in lu su naw nih

                Tlangtieng khi ka hang thlir a

                (Ka hang thlir a)

                Khawtienga’m thangpui tuding

                (Khawtienga inthawkinam a mi thangpui tuding hung ata?)

                Ti a ka zawng lain

                (Hnuoia hin chu)

                An um si nawh

                (Um si nawh)

                A mi thangpuitu ding chu

                Hnuoi le van siemtu Lalpa a nih

                Ama kuoma chun (tuhin) malsawmna ka hmu tah

Hnuoi ropuina le mawina ka thlir changing

Chantawka lungawi thiem a harsa ngei

Sienkhawm hi thu hin a mi thlamuon

“Rinum tamtak tuorin Pathien ram lut in tih”

(Ti chu) Ka hringnun hlimna petu a nih

Lungzing lai khawma thang pui tu Lalpa chun

Ka mamaw tinreng chu a mi pek a

Ka chang tienga hlietu chu a nih

Ringuma a ta dinga inpetu hai chu

(Lalpa’n) Kumkhuo in um pui zing tang a tih

ISU KA THLA HMANGAITU

Ka Isu ka thla hmangaitu I nih

I angsung a chun mi thuoi la

Thlemna tuifawn hin ka nun a chim pil hma hin

Thuoitu hmar arasi’n ka hma thuoi rawh

            Lal Isu ka himna le ka lawman i hih

            Ka khatin min umtir naw rawh

            Thangpui ka ngai anih

            I angsung ralmuong hmunah mi thuoi la

            Ka lungngaina hai bo tang a tih

Ka chengna thlaler ram lo ni sienkhawm

Ka lamthuom tinah, nang ngir la

Fier tui thienghlimin ka nun mi sawmfai pek la

Chun hlimin i hnung chu zui pek ka tih

Khawvelin a neilo hringna thienghlim

Chuoitheilo chatuon hrinngna chu

Aw ka Lal Isu nang ngeiin i nei sih a

Saltang hai ta dingin hung sem dar rawh

(For last time only)

Aw Isu ka himna kulpui chu i nih

I angsung ralmuongna hmuna chun mi thuoi rawh

Aw Thlarau Thienghlim

Aw Lalpa I kutsuok hai ka hang dawn changin,

Thingtin par le thlaihaiin I ropui zie an puong,

I siemzai ang peia par le ra in an vula,

Khawmuol le tuipui a sunga hringsa hai hin.

Nanga ropuizie an suklang sun le zanin,

Sienkhawm Lalpa I hmangai hnuoia hringmi ha’n,

Nangma thu zawng lovin suolin nitin a thuoi,

Lam kan inhmang a nih Lalpa, mi thuoi kir rawh.

           

Aw  Thlarau thienghlim, nang chau kan ngai che,

Lam indika mi thuoi di’n,

 Aw thlarau hung leng raw kan lai,

Suola ka boral el ding hi mi hung thuoi kir nawk dingin

Aw thlarau thienghlim, aw kan ngai che.

Lalpa I hmangai intlansa hai hung en ta’m,

Mihai suokah kan intang, kan hriet sie a naw a,

Intlan sa suola thi ding phalnaw raw, Lalpa,

Nang chau I nih, kan inhumhimna le kan hratna,

Kan lungzing laia thangpuitu chu I ni si,

Nang naw chuh bel ding le phen ding an um si nawh,

Kan sal intang mithuoi suok tu dingin Lalpa,

Nang chau kan ngai che, I thlarau thieng hlim ngei chuh.

Amen, Hung el ta la Lalpa Isu

                    

Lalpa hungnawkna ni ropuia chun, Thilthawtheina ropui tak le,

Vansum lai khin ropuiin hung a ta,

A hmangai tlansa hai chu thuoi dingin,Tawtawrawtin mi ko a ta,

Sak le thlang, sim le hmara mi, Hmangaina’n mi thuoi khawm a tih.

Thina le nat um tanawna van Jerusalem thar,

Sandamtu Lalpan’n a hmangai hai ta dinga a buotsai chuh,

A kawtkhar lung mantama chei, rangkachak kawttler mawi,

Nisa khawnvar ngai naw ni, Beramte chuh var tang a tih.

Tawtawrawt nuhnung chuh an ri pha chun,

 Hnuoi taksa hai sukdanglamin van hmangaina puon chu sil tang ei ta,

Sandamtu Lal Krista le rorel di’n hnuoi rinumna hnung sawn ei ta

Beramte envel ram a chun chatuon khuo hung var tang a tih.

Kumsang rorelna ni ropui a chun,

Lungngai tapna um ta lovin, Suol thuneina khuopin um tang a ta,

Beramte envel ram khawpui a chun ei hmel nisa anga varin ,

Lalpa inpak ei tiu Amen, hung el tala Lalpa Isu

Khawvel thlaler rama ei cham sung hin,

Suol thuneina hai hung lienin,

Ei thlarau nun hung chim buoi hlak sien khawm

Krista Lalram ropui a ngir pha chun, hmelma diebol chuh tlawm a ta,

Chatuon meia pei ning a ta, hnena hlamawi rem tang ei tih

A HRIL ANGIN A THONAWK TAH

Leilung insiengtir an thawkin,

Tlan hnena ropui changa;

Thina tium hnea thonawk,

hnuoi mihriem laia an um am?

Hnuoi mihriem lai an um der nawh,

Lal Krista chau naw hi chuh;

Ama Krista chau hi a nih,

Thina hnea tho nawk chuh.

      

A hril angin Sandamtu Lalpa Krista,

     A tho nawk tah, Halleluiah inpak ro,

     Khawvel popo zaiin sip sien,

     Tuipui infawn vel hail eh,

     Leilungin a hla mawi rem raw se,

     Lal Krista a tho nawk tah!

Thlan le charna sil chu hawngin,

Thina kawtkhar a ner thleng;

Thina khura um insuoin,

Paradisah a thuoi kai,

Thi le nat um ta nawna hmun,

Chatuonin in hawia chun,

A vuong kaipui Lalpa Isun,

Lawm a va um ngei de aw!

Lal Krista thonawkna lei-in,

Van Edenthar ei chang tah;

Ama anga sukdanglamin,

Van thuomin inthuom ei ta,

Hallelui tia inpakin,

Chatuonin-ah leng ei ta,

Thonawk Lalpa Krista tiin,

Chawnban vawr sieu sieu ei tih.