ROPUI RAW SEH LAL KRISTA CHU

 

Mitin ta dingin a hung pieng,

Lal Krista chu Judai ramah,

Hnuoi tiempuia vanlal nawu chun,

Bawngin tlawm a nghak ie,

Hotuhai le Lal Ngurpui,

Han a pieng thu a phet suoka,

Sienkhawm David khawpui a chun,

Runtin zawtin an vai Lalpa

 

Krista chu iengtinam in ngai a?

In lungrila hmun a um am?

Tu hun le chatuon chena cheng dingin,

Lal le Sandamtu’n pawm in tim??

Aw Sandamtu mi maksan naw,

Kan lungril sungah cheng zing rawh.

 

A chun rieng Marin ranthlengah,

Puonnemin a sakruong a tuom,

Ka dawnin lunglai a kham ngei,

Lungchim Van Lal nau chu,

Van khawpui lunglai thliek in,

Bethlehem phulleng a hung nghak,

Kei khawm sandamtu hming tan in,

Damlai thlaler nghak veng ka tih

 

Van mipuihan’n an hung puonga,

Lal Krista chu ropui raw se,

Hnuoi chungah remthu inleng sien,

Do le ral karah khawm,

Mitin lungril inthieng sien,

Van hmangaina zaia chawiin,

An nghil bik naw lawmna ro bawm,

Hawnga rangkachak hlu nekin.

 

Ama mihan puon ang an hnawl,

Lal Krista chu Judai ramah,

Jeisimon thlaler fang suokin,

Kross chungah lu an nghat,

Ei ram ei hnam run tinah,

Imanuel Lal a thung am?

Ruolthar nun mawi vul ve maw aw,

Lal Krista le a thu a chun.

 

Aw lenruolhai hung tho unla,

Lal Krista hi inpak ei tiu,

Zai le biethu’n ka hril seng naw,

A hmangaina ropui,

Ranthleng le hling phier khuma,

Hmangai leia min tlantu chu;

Hringna tharin Halleluiah

Ropui raw se Lal Krista chu.

KHAWSAK LAL PATHUM KAN NIH

 

1. Khawsak lal pathumhai kan nih,

Saw arsi var saw hung zuiin;

Kan hung a ni, kan hung a ni,

Thilpêkhai hung chawiin.

Aw zan arsi ropui tak chu,

Arsi var le mawi tak chu;

Thlang tieng pana hma sawn peiin,

I var ropui min tlun la.

2. Bethlehem lal hung pieng chu,

Rangkachak lallukhum peiin;

Kan inkhum tir Chatuon Lal chu,

Kan chung roreltu.

3. Be-raw ritui tak kan nei ve,

Cu rim chun Pathien an hnai tir;

Pathien chnghnungtak chu biein,

Inpâk le ṭawngṭaiin.

4. Ringna nghet Murra ei nei hin,

Thimna hung tlung ding anlang tir;

Lungngâi, rum , thisen suok, thina,

Thlana zalna le khan.

5. Ropuitakin a thonawk tah,

En ta, Lal Pathien suol thawina;

Halleluiah, Halleluiah,

Hnuoi le van thangsuok sien.

AW KUMHLUI

 

1. Aw kumhlui kan phal naw che,

Zamuolpui I liem ding hi;

I vul lai hun kan hang dawn in,

Ngâi I um kan ti em el.

Thei chang sien ka va nuom ngêi aw,

Kum khawtluonga leng dingin;

In the naw thei ei ni si nawh,

Ngâiin kan ko ruoi ruoi che.

2. I vullai hun kan dawn in,

Ṭhe ding thu kan tiem ngam nawh;

Lungngâi lawm inchangtir hlaktu,

Ṭhe ding chun kan phal naw de.

3. Kan phal nawh, kan phal thei nawh,

Tienlai inchang el ding hi;

I sakhming puon ang chul ding chu,

Pamhmai um kan ti em el.

LAWMIN KAN INPAK CHE

 

Doh is G

1. Kan hlimna le kan lawmna ni, Krismas ni ropui chu,

Ngailai tamtak fam hnungin;

Tuhin a hung tlung nawk tah;

Vân Lal Immanuel hlim le lawmtakin ka inpâk che.

Lawmin kan inp6ak che, Vân Lal Immanuel;

Hnuoi mihai ta dinga damna chanchinṭha I ni si;

I sakhming rêng hi a mawi ie, kan lawmna sukkimtu;

Vân Lal Immanuel hlim le lawmin kan inpâk che.

2. Lungril ngui le nâhai har ro, Sandamtu a pieng tah,

A chîn a lien thlîr bîk neilo, Remna Lal a nih,

Hieng anga Lal hung pieng hi,

Vân hnuoi lai hin an um nawh.

3. Vân mipui râwl thangkhawk ri chun, Lunglai a nghawr vêl ie;

Lenruol dithai hung tho unla, Zaiin awipui ei tiu,

“A chunghnungtakah Pathien chu Ropui raw seh,”tiin.

4. Aw Lal Isu kan lungrilah, Lal dingin kan ngai che,

Mitin lungrilahai sukthiengin, Remna hung intlun la;

Chuongchun kan robawmhai hawngin,

Chibai bûk ngêi kan che.

EI NGHAK KUMTHAR LAWMUM

Ei nghak kumthar lawmum chu ei tlungnawk tah
Hlim tak le lawm tak in hlimzai vawr ei tiu
Kum thar hunthar lawmum tak min tlun tu
Lalpa ani a kuom a chun lawmthu hril ei tiu.

Hlim takin lawm ei tiu

Kumthar lawmum a hung tlung tah,
Kumhlui liemhnung ngai iengkhawm a sawt nawh
Ei hmatieng chou thlirin, kumthar parang lawm ei tiu

Ei nunhlui hai hunin a lo liempui tah
Ngaiin la khawm ko kir thei ani si nawh
Sienkhom kumthar hunthar ei hmang mek hi
Hmangdan thiem tum ei tiu ei dam chen ding ei hriet nawh

Kumthar hun thar lawmum tak el ei tawng hi
Hmuphak lovin mi taktak umhai sienkhom
Hiengang hunthar hun lawmum ei tawng hi
Ei vangnei chungchuong ngei lawm naw thei ding ei ni nawh

Hun le ni hai a thlawna hmangliem lovin,
Lal rawngbawl na dingin huntha am ei tiu;
Damsung kumhai tiem dan thiem tu hai chun,
An hringnun khel hnungah lawmna hlu la chang an tih.

RUOL DITUM ISU

 

1. Lal Isu ruol ditum ka nei hnung hin,

Kotkhâr chîn tieng ka hraw ṭan a lo nih;

Ka dorâl suolna sûm a hung inlang,

Sienkhawm aw hnena chu ka ta a nih.

Hringnun a tawp hunah,

Lal Isu hmêl chu hmûng’ka ta;

Thina nauhai tlantu chu,

Hi khawvêl hi bo sienla khawm,

Lal Isu ka nei ta si.

2. Ka thilthaw hlakhai thaw a rem ta nawh,

Ka thaw ngainawhai thaw a ṭûl lem ta;

Lungrila Lal dingin ka thlang tah a,

A ditzawnga um dingin a mi dit.

3. Ieng leiin am ka lungril buoi a ta?

Hi khawvêl thilhai lei a lo nih ie;

Lal Isu’n suolna po a hne zo tah,

A hming chu inpâkin up pei raw se

SUOLIN KA LO THI TAH

 

1. Suolin ka lo thi tah, beiseina reng nei lovin,

Sienkhawm ka Lalpa chun saltang a mi hung zawng,

A thisen thienghlima sawpfai ka nih,

Van Jerusalem thar kei din a buotsa.

Hmangaina tawp nei lo,

Ka sandamtu ropui.

Hnuoi le van kara remna palai I ni si;

Hieng ang lawma hmangaina hi,

Thu’n ka hrilseng naw

Hilm le lawma zaiin inpak pei ka che.

2. Rinum hril ruollo chu ka ta dingin a tuor,

A vuokna invuola chun sukdam ka ni tah;

Thiemnaw chang ka ti nawh ka lung a awi,

Thiem min changtirtu chu Krista a ni si.

3. Rochan Lal Isu, nang chau hi bel ka che,

Thlirbik reng nei lovin ro I mi rel pek a;

Ka tlinna nang I nih, ka mawina chu,

Iengdang po nek khawmin Lalpa ka hmangai che.

AMEN, HUNG EL TALA LALPA ISU

 
1. Lalpa hungnawkna ni ropuia chun, Thilthawtheina ropui tak le,
Vansum lai khin ropuiin hung a ta,
A hmangai tlansa hai chu thuoi dingin,Tawtawrawtin mi ko a ta,
Sak le thlang, sim le hmara mi, Hmangaina’n mi thuoi khawm a tih.

Thina le nat um tanawna van Jerusalem thar,
Sandamtu Lalpan’n a hmangai hai ta dinga a buotsai chuh,
A kawtkhar lung mantama chei, rangkachak kawttler mawi,
Nisa khawnvar ngai naw ni, Beramte chuh var tang a tih.

2. Tawtawrawt nuhnung chuh an ri pha chun,
Hnuoi taksa hai sukdanglamin van hmangaina puon chu sil tang ei ta,
Sandamtu Lal Krista le rorel di’n hnuoi rinumna hnung sawn ei ta
Beramte envel ram a chun chatuon khuo hung var tang a tih.

3. Kumsang rorelna ni ropui a chun,
Lungngai tapna um ta lovin, Suol thuneina khuopin um tang a ta,
Beramte envel ram khawpui a chun ei hmel nisa anga varin ,
Lalpa inpak ei tiu Amen, hung el tala Lalpa Isu

4. Khawvel thlaler rama ei cham sung hin,
Suol thuneina hai hung lienin,
Ei thlarau nun hung chim buoi hlak sien khawm
Krista Lalram ropui a ngir pha chun, hmelma diebol chuh tlawm a ta,
Chatuon meia pei ning a ta, hnena hlamawi rem tang ei tih

KA DITTAK LALPA

 

1. Hieng ang chen kum tam mi thuoitu,
Ka Lalpa kei di’n I va tha ngei,
Malsawm tin reng ka tiem seng naw,
Hlim le lawmna chatuon nun leh.

I thang naw chun aw mit khap kar khawm,
Ka dam zo naw ka chau nawk hlak,
Nang chau hi I nih ka dittak le,
Chatuon chen a ka bel ding chuh.

2. Ka sieng mit hmu fie naw sien khawm,
Thlarau mit in a fie Sandamtu.
Ka nuor naw ieng po khawm tlung sien,
Chatuon van khawvar min tlun I tih.

3. Ka sawl damna le thlamuongna,
Innghatna beisei dang ka nei nawh.
Ka pumin nei raw kan hlan che,
I angsuong muongna ka hung pan ie.

4. Natna le rinumna khawvel,
Buoina la lungngaina ram a hin.
Ka ngai zuol Sandamtu Lalpa,
I kuoma leng kar ka nghakhla ngei.

KA TUOR HI LALPA’N A PHAL

 
Doh is C                                                     El Bethela

1. Khawvel lungngaina hai le buoina kâra hin,
Mangang le harsatna ha’n nitin an mi bâwm;
Beidawng le chauin kan rum thangpuitu ka ko,
I Hma a ka hung kun ie, Aw ka Lal Isu.

                In vak hmang san tan aw ning hi khawvel a hin,
                Sandamtu Isu ka nei, Ka ta dinga thi;
                Khawvêl in mi hmusitin mi dem hai sienkhawm,
                Ka suong pei lem ding a nih, aw ka Samdamtu.

2. Rinumna ka tuorpo hai hriethiem nuom lovin,
Kan hawitirna ding zawngin ka tlan lem hlak a;
Midang tadi’n malsawmna a lo nizing si,
Ka tuor hi Lalpa’n a phal nuor thei ka ni naw.

3. Ka’n hawitirna ding zawnga rawng ka bawl laiin,
Ka ta di’n a tuorna hai ka hung hriet suok a,
Ka ta di’n ieng rinum am ilo tuor ve a?
Hril ding hrim ka nei naw ie, Misuol el ka ni.

KA THEINA A TLÂWM

 
Doh is D
Buonglienkung
1. Lalpa ka hrâtna, theina tlâwm sienkhawm,
I rawngbâwl ve di’n I mi ko si maw?
Suong ding le phên ding dang hrim ka nei nawh,
I Gospel thu chau hi suong lem ka tih.
Ka theina a tlâwm, Ka theina a tlâwm,
Ka theina a tlâwm ngei, aw Lalpa. (2)

2. Thlarau bohmang sang tam inhmang ding chu,
I phal nawh Lalpa I hmangai an nih;
Sienkhawm hriltu ding an indai si nawh,
Lalpa mihmang rawh kei hi fe’ng ka tih.
Santu ding an ko, Santu ding an ko,
Santu ding an ko, bohmang mêk ha’n. (2)

3. Hângthim le tuiêk fâksiet theinaah,
I ta dingin rohai inkhâwl naw la;
Vâna tuiêk fâksiet theinawnaah,
In khâwlkhâwm la lâwmin sip ngei I tih.
I dawn naw ding maw? I dawn naw ding maw?
I dawn naw ding maw kona râwl chu? (2)

4. Lalpa ka theina hi a va tlâwm ngei!
Fesuokin ka hril thiem ve si nawh a;
Ka neisun ṭawngṭai, thilpêk inhlân hi,
Ka theina, ka pumin ka hung in hlân.
Lalpa mi hmang rawh, Lalpa mi hmang rawh,
Lalpa mi hmang rawh , I rawngbâwl di’n. (2)

HALLELUIAH

 
Doh is F                       GB Niropui
1. Ka suol tlanna dingin,
Isu thisen hlutak a hung luong suok;
Chu thisen hlutak chun,
Ka suol po po an thleng fai tah.

Halleluiah, a Ropui ngei,
Ka Lal Krista hmangaina hi;
Thu le hlain puong pei kan tih,
Thlarau damna ka lo chang tah.

2. Hrelo haiin Isu,
Hmusittakin vuokthidukin an vuok;
Ka lalpa tuorna chu,
Kei misuol damna a lo nih.

3. Vakvaitakin hnuoiah,
Santu ngaia ka tap inrum laiin,
Ka Lalpa rawlnem chun,
Hungrawh ka nau ti’n a mi ko.

HOSSANA HOSSANA

 
Lal Isun tlanna sin a thaw lai khan,
Suol leia a thitawmin an lalna a puong suok,
Mipui han a chawmawina hla Hossana an hung rem,
Eini hai khawmin rem veng ei tiu.

HOSSANA, HOSSANA,
Lal hming a hung a ham a tha,
Ram hung tlung ding, ei Pa ram chu,
Chunghnungtaka khin Hossana.

Van Lal reng ropui hring mi ta dinga,
Ropuina puon hlipthla a rin um hung tuor a nih,
Ka thla a ma inpaknan Hossana rem ve rawh,
Suol anthawk intlantu che a nih.

Ei ramah Kristan Lalna chang sien,
Veng tin, khawtin, Kohrantin Hossana in ring sien,
A chawimawina ri khawvelah tupui infawn angin,
Chatuon thangkhawkin inthang raw se.

PATHIEN THLAMUONGNA

 
1. Pathien thlamuongna danglam tak el chu
Chungtieng Pa a inthawkin a hung tlung a,
Khawvel mi hai hriet phak lo nun ngei chu;
Ringna thla chu zarin aw ka vuong sang pei ie;

Pathien thlamuongna, chatuona thlamuongna
(AW) khawvel in a pek theilo,
Chatuona thlamuongna danglam tak chu,
Krista’n a mi pek tah.

2. Lungrila lawman thar chu ka nei tah.
Khawvelin a pek theila chu a nih,
Krista hmangaina ropui tak el chu.
Chatuon lawman thar mi siem pektu a nih si.

3. Tuhin famkimlo silfen chu neiin,
Hi ka hringna hin hnuoi ram a la hluo a;
Ka hnuoi hringna hin thlan a khel pha leh,
Chatuona thlamuongna famkim chang tang ka tih

DITLEM THLANG HUN A NIH

 

1. Chanchin Tha thu maktak(3)

Thu hi ngai ve ta;

Ahi damlai thil ngaituo ding,

Pawimaw le tul a nih,

Suol ngaidamna thu a nih

Thi hnunga thonawkna thu lawmumtak chu,

Aw hun inkhelpui naw.

2. Tuta kum za hnung tieng,(3)

Khawlam um I ta?

Ahi damlai thil ngaituo ding,

Pawimaw le tul a nih.

Khawvel suksan tang I ta,

Van le hremhmun a iem chang I ta? Dit lem

Tuhi thlang hun a nih.

3. Mi hril van ina khin(3)

Hmun I chang ve ta’m?

Ahi damlai thil ngaituo ding,

Pawimaw le tul a nih.

Akhin hmun I chang naw chun

Aw lo inngaituo raw.

BEL TLAK PATHIEN I LO NIH

 
1. Aw Lalpa I kutsukhai hi ka thlirin,
I ropui zie hi hrietseng ruol a ni nawh,
I thilthawtheinain chung le hnuoi inkhum zova,
Aw Lalpa kan nei che hi kan va vangnei ngei.

Hiengang lawma thiel thawthei le ropui hi,
(Aw) Van hnuoi lai hin an um si nawh,
Ring tlak le beltlak Pathien I lo nih.

2. Sim le hmar, Sak le Thlanga ka hei thlir vela,
I thil siemhaiin I ropui zie an puong;
Hnuoi mihriem thiemna le varna an sangzuol po leh,
An Chungah let sang tamin nang I lo um si,

3. Hnuoi le vangah khawm hril ni pei a tih,
I remruot dan hi a felin an dik si;
Iengkim chunga hmangainaiin ro I rel hlak a,
Phu ruolo malsawmnain I mi vur hlak si

KA TLINNA LALPA

 
1. Kan siengna renga misuol ka ni a,
Khawvel enin tlinna ka nei nawh,
Thlirna tinrenga ka hang thlir khawmin,
Tlinna ka nei nawh, I ta ding.
Ka tlinna Lalpa, Ka mawina Isu,
Nang chau hi I nih, Ka tlinna le lawmana,
Tu’n am thiemnaw min changtir an ta?
Thiem min changtirtu Krista a ni sih a.
2. Ka ringum nawh ti I hriet ie Lalpa,
I ta di’n ka ringum sin aw a,
A mi sukhrattu Krista a chau chun,
Ringum le tlinah I mi ngai sih.
3. Felna ka nei nawh ti I hriet Lalpa,
Sienkhawm fela I mi ruot si a,
Ka felnawna popo chu inbelin,
I felna puonin I min thuom tah.
4. Tlinna neilo, tlinah I mi ruot chun,
Hi ka damsung hun tawiteah hin,
Thi chena ringuma I rawng bawl di’n,
Ka hung inhlan ie ka hringna hi.

HMANGAINA MAK

 

1. Hmangaina mak, rimawi tak chu,

Kei misuol sandamna;

Inhmanghnung a mi zawng suok tah,

Mit varna ka hmu tah.

2. Hmangaina mak min chuktirtu,

Ka titan sukbotu;

Hmangaina mak a hung inlang,

Ka ring tantir khawmin.

3. Titna buoina rinum tamtak,

Fe thlengin, ka hung a;

Hmangaina’n a mi sandam tah,

Van in min tlun a tih.

4. Lalpa’n thiltha a mi tiem tah,

A thu ka beiseina;

Ama ka phaw le rochan hlu,

Hnuoia ka damsungin.

5. Hi hnuoi taksa hratnaw tak le,

Ka hringna bop ha chun,

Puonzar ropui sunga lengin,

Hlimin leng tang ka tih.

6. Chu in mawiah khukhawtluongin,

Ni angin var ei ta;

Inpak nah la tawp ta naw ni,

A hmangaina zarin.

LALPA, SUKTHIENGHLIM RAWH

 

1. Aw Lalpa, hung sukthienghlim rawh,

Ka lungrila umhai hi;(2)

Hratnahai le talenhai khawm,

Nang anpakna’n hung siem rawh;(2)

Lam indikah,(2)

Inhmang lovin m thuoi rawh.(2)

2. Nang Chauvin I mi huolhim thei,

Lam tlunah inhmang lovin;(2)

Vawi le change inthimna ha’n,

Mi hipin min hiol sien khawm;(2)

Aw ropui tak,(2)

Mi huolhimin mi thuoi rawh

3. I umdan thil bul pohai,

Nangma sukmawitu che kha,(2)

Ka lungrilah hung tu ve la,

Chun nun hung ra mawi a tih;(2)

Ka umdan inlangtir rawh.(2)

JOSEPH INPUONGNA

Doh is D                                  H P Runremthang

Teina Kannan rama tampui tlak lai khan,

Sil-le-fen, fak ding tha reng a um si nawh;

Jacob sung le kuohai lung a zing ngei ie,

Sienkhawm an suopui le an lo intawng tah

Inpuong faina hi malsawmna bul a nih,

I unau, rawngbawlpui hai I hmangai am?

I tawngbau suoktin hi mitin damna di’n,

Chi a saw hmangaina thang ni ngei raw seh.

“In unaupa, Josef kha ka nih an nawh,

Mihai hringna sanhimtu ding ka lo nih;

Lungngai naw ro’ tia hmangaitawngbau chun,

Sungkuo nun hlimna le lawmna an tlun tah.

Inremna le hmangaina’n ro rel in la,

Ei ram ei hnam, kohran, ngir tha nawk a ta;

Tuktin par hai iengin vulmawi in suoin,

Lalpa hmangai ropui zie hril tang ei tih.

THENAWNA RAM KA NGAI

Doh is G                                  Buonglienkung

Ka khuolzinna ram hnuoi tawngsephur hi,

Ka suoksan ni la tlung ngei a ta;

Hmangai lungzur ka lo the ta hai leh,

Van khawpuia in tuok kan tih.

Aw ka ngai the nawna ram inhawi chu,

Hmangai lungzurhai ser ang kimna ram chu;

Aw a van hawi awm ngai, chu khawpui mawi chu,

Ei chatuon Lalpa envel ram ning a ta,

A chun Van Angel hai leh leng hmun tang ei ta,

Hnuoi ram nun hi ngai lovin, leng tang ei tih.

Ei sin inrimna hai ei zo pha chun,

Hmangaihai leh Zion ram mawia;

Hallo teiin ei la leng hmun ding si,

Aw ka nghakhla chu hun ding chu.

Puonvar sila leng intlansa hai chun,

Hnuoi rinumna Ram ngai ta lovin;

Van Beramte hnena chu inpakin,

Halleluijah ti’n zai an rem.

HLIMIN LAN TUOK EI TIH

Doh is  A                                 Lalnuntluong Faiheng

Hnuoi hringnun thina ram hi ka suoksan pha,

Chun le zuo lo famthahai kha;

A chun hlimin la’n tuok khawm kan ta,

Hlimtakin Lalpa chu inpak kan tih.

Khawpui mawi chatuon ram ei tluong pha chun,

Thi le in the ti ta lovin;

Lungdit fe hmasahai le chawnban suiin,

Hlimtakin chatuonin leng tang ei tih.

Chungtieng Van inrumna khel ram ropui chu,

Lungdithai kimna hmun a nih;

Hi hnuoi nghawkum hi ka suoksan pha,

A chun ka hnuoi mitthli hul tang a tih.

Ei nghakhla chatuon khawpui ei tlung pha,

Beramte hmel var hmu’ng ei ta;

Lusun, tapna hai bo tang a ta,

Hnung ngai ta lovin hnag leng tang ei tih.

ANGEL VENG KHAWPUI

Doh is _                       Thlangzarlien

Kan zinna hnuoi ram hi, Ka suoksan hunpha chun,

Beramte hmel ditum, Lawmin hmu tang ka tih;
Jordan varal rammawi,

Aw tlungkar ka nghakhla ngei.

(Aw) Angel vêng khawpui a chun

Zai inawi ka tih ka Sandamtu;

(Aw) Angel vêng khawpui a chun,

Zai inawi kka tih ka Sandamtu.

Ringna mitin ka thlir, Angel vârhai lêngna,

Tlantu ropui tak chu, Hlimtakin an inpâk;
Chu hmun chu maw lo nih,

Aw tlungkâr ka nghakhla ngei.

Khawpui mawi taka chun, Ri mawi ropui an rem,
An zai hlamwi rem chu A thienghlim ie tiin;
Chu hmun chu maw lo nih,

Aw tlungkar ka nghak hla ngei.

SERAFIMHAI HLAMAWI

Doh is Eb                    Buonglienkung

Vana khin hril la ning a tim?

Lalpa ropuina hi?

Ropui taka hril la ning a tih,

Chatuon khawmin tawp naw ni.

Iengkim thawthei Pathien chun,
Chatuonin ro a rêl ie;
Vân Angel Serafimhai hlamawi chu,
Sûn le zân reng a chawl naw; (a chawl naw)
A thienghlim ie, ropuina êngmawi tin zam vêl;
Chatuona nei tlak I ni ie; (Lalpa)
Halleluiah, ‘Athienghlim ie’ tiin.

Rauthlain ka hang fang vêl ie,

Chung tieng ramropui chu;

Sandam nauhai ram a lo nih ie,

Aw, a varopui ngei de.

Vân Angel Serafimhai chun,

Zion hlamawi an rem;

Vân Beramte chu a thienghlim ie,

Rorelna chu chang raw se.

Chu hmun mawi le inhawi a chun,

Berâmte an chawimawi;

Vân khawpui laituol a nghawr vêl ie,

Seraphim hai zai ri chu.

PATHIEN THLAMUONGNA

Doh is Eb                                Buonglienkung

Pathien thlamuongna danglam tak el chu,

Chungtieng Pa a inthawkin a hung tlung a;

Khawvel mihai hriet phaklo nun ngei chu,

Ringna thla chu zarin aw ka vuong sang pei ie.

Pathien thlamuongna, chatuona thlamuongna;

(Aw) Khawvel in a pek theilo;

Chatuona thlamuongna danglam tak chu,

Krista’n a mi pek tah.

Lungrila lawmna thar chu ka nei tah,

Khawvelin a pek theilo nun chu a nih;

Krista hmangaina Ropuitak el chu,

Chatuon lawmna thar mi siem pektu a ni si.

Tuhin famkimlo silfen chu neiin,

Hi ka hringna hin hnuoi ram a la hluo a;

Ka huoi hringna hin thlan a khel pha leh,

Chatuona thlamuongna famkim changtang ka tih.

MI NGAIDAM RAWH LALPA

Doh is G                      H P Runremthang

Lalpa I Bible hril lawk angin,

I nauhai laia khawhlona lei hin;

Kan suksiet zo tah I hming ropui,

Mi ngaidam rawh, mi ngaidam lul rawh.

Aw Lalpa, thisena’n tlan I nau,

I hming chawimawia suk ropui ding hin;

Chawimawi a nekin ka sukmuolpho ta che,

Mi ngaidam rawh Lalpa, mi ngaidam rawh.

Ringnaa mi huoisen fe ta ha’n,

An lungkham thei nawh hnungsawn hnuoi rinum hi;

Ram ṭha nawk zuol ngaia inrum an nih,

An ta di’n ‘Pa’ni khawm i’n zak si nawh.

Khawvel ropuina hliekhu ding le,

I hming ropui chawimawi a nina di’n;

I thilthawtheina ropui tak chu,

Hung puong suok nawk ta la, Aw Lalpa.

Lalpa I malsawmna ka dawng pohai,

Ka theina pohai, Lalpa ropuina di’n;

Ka lungril ngaituona po po leh,          

Ka hung inhlan Lalpa, I ropuina di’n.

KA LUNGAWINA

Doh is C                      Buonglienkung

Damlai khuolzinna rama hin,

Duthu aiang ka sam hlaka;

Sienkhawm hlimna rêng ka hmu nawh,

Ka Lal Krista kuoma chau naw chu.

                         

Ka lungawina Krista anih,

Ka mawina le ka thienghlimna;

Thiem ka changna a nih Lalpa chu,

(Halleluiah) Halleluiah (4)

Lalpa’n thilṭha a mi tiem tah,

Chu ngei chu ka hlimna a nih;

Khawvelin a pêk ang ni lo.

Chatuona lungawina kim a nih.

Lungawina Krista ka nei hi,

Hnuoi rothilhai nêkin a hlu;

Khawvêl mihai hmu phak loin,

Ringna thlain a mi vuongkai pui.

ISU LE CHUN

Doh is E                                              T. Romana

Chatuon ramhlun chu ei pan mêk,

Buoina sûmpui huolvel kâr ah;

Lawm le lungngai ni ei tiem nawk hlak,

Buoina khêl rammawi ei tlung hma hin chu.

Isu (Isu naw chun Lal Isu naw chun) naw chun,

Khawvêl a hin hring hi iengmalo el a nih;

Khawvêl varna khawm teplo a nih,

Sienkhawm Isu le chun iengkim thaw thei a nih.

Harsat tuokni’n a mi ṭhangpui,

Thina tlung khawmin a mi hnem;

Tlaksam khawmin mi thlathlam naw nih,

Isu le chun iengkim thaw thei a nih.

Theichang kûng hai parvul nawin,

Lo in fâk ding insuo naw sien;

Huonga ranruol inlawi naw sienkhawm,

Ka lawm pei ding si a Lalpaa chun.

Berâmpu ṭha Lal Isu chu,

Hratnawhai ṭhangpuitu a nih;

A hnungzuituhai phatsan ngai lo,

Hmaṭhuoitu le nghilnei zâidam anih.

LAL ISU KA NEI TAH

Doh is Eb                                Lalsangawi

Lal Isu ka nei china chun lampui chin hraw ka lo nih,

Ka nuom zawng thilhai thaw chu a rem ta nawh;

Ka chantawk a lungawiin harsain rinum sienkhawm,

A ditzawnga um dingin Lal Isu’n a mi nghak zing.

Ka hringnun hi aw a bo pha chun,

Ka thlantu hmel mawi ditum chu hmung ka ta;

A chun ka hnuoi mitthli mi lo hrufai pêk a ta,

Ropui takin leng ka tih, Lal Isu ka nei ta si.

Hnuoi hausakna inlalna le ropuina nei naw langkhawm,

Lal Isu nei ka tadi’n a hun tawk ie;

A hmelsiet ding ka phal naw, a hming chuoi ding ka phal nawh,

Ka iengkima iengkim chu Lal Isu chau hi a nih.

A harsa ngei khawvêl hi chu lungawina reng a um nawh,

Insanglemna beiseiin hmun a sip zo;

Ieng dinga ka buoi hlak am iengdinga ka lungngai am,

Lungawina him Lal Isu ka ro chan hlu a ni si.

HUNG RO HUNG RO

Doh is G                      H P Runremthang

Tiena inthawk chanchin ṭha ei dawng,

Hmangaina le inremnain ro ei rela;

Sienkhawm Lalpa maicham a chim zo tah,

Thaw ro, Lalpa maicham chi siemthar nawk ei tiu.

Hung ro, hung ro, Lalpa kuomah,

Hung ro, lalpa kuomah kir ei tiu;

Mi lo keinawi ta sienlakhawm,

A mi sukdam  nawk ding a nih,

Mi lo sukna ta sienlakhawm,

A mi tuom nawk ding a ni si.

Tu lai ṭhangthar nun ṭhalaihai hin,

Khawvel tar nenetui umlo chu an fawp a;

Khawpna umlo, beidawngna chau a nih,

Hung unla Krista hringna tui chu dawn ei tiu.

Ei ram le ei hnam humhimna di’n,

Chengrang chawia doral ropui rel a ngai nawh;

Ei ralthuom chu Gospel chau hi a nih,

Chu ngei chu ei inhumhimna di’n hmang ei tiu.

Hlunlo ram thlirin ei buoi zo tah,

Ei sakhmela hai khawm lawman a um ta nawh;

Lalpaa ei lawman chu ei hratna,

Chungtieng thlir ei ta, hluo senglo ram a la tam.

Muvanlai iengin ringtu nun hi,

Ei hlimthla chu hnuoiah inleng vel sienklahawm;

Ei hringna chu vansnaga leng a nih,

Suol sukhlum thei lovin Lalpa’n a mi dawmsang.