Damlai ka khuol inzinna

Word & Tune Upa. Lalnuntluong
Damlai ka khuol inzinna ram a hin,
Suol inhliem tuora chauin ka kun hlaka;
Santu kan vai khawvel ahin,
Isu I ang sung bel din ka hung pan che.

Ka Lal ditum, bel ding tak chu I lo ni ngei!
Nang chau hi ka muongna le himna kulpui;
Thiem min changtirtu ka damna nang I inih,
Ka hlimna le lawman Lal Isu.

Suol tirko-lien hrangin a mi’n huolvel,
Hmusit el-relna le hrilsietna po ha’n;
Sumpui angin mi tuom vel hlak sienkhawm,
Fepei ka tih ka Lal Krista hnung zuiin.

 Mihrang pasalṭha lo famtahai khan,
Krista hming chu ṭanin hringna an inhan;
Hnena puonvar silfen mawi inbelin, An leng vel ie,
Van khawpui mawi tuol lai ah.

 Lawna ding ruok a nih hrilsietnahai,
Krista mi ei ni zie sukchiengtu a nih;
Amin tlantu Lal Krista hnung zuiin,
Zam lovin fe pei ei tiu khawvel hmaah.

Kan Tan Hawn ani e

Lam lien taka hawng in aum,
lam eng mawi inhoi tak el chu
kros eng in chu kawng nuam achuan
lalpa hmangai arawn puang.

Aw khawngaihna ava thuk em
Kawng chu ka tan hawn in aum
Ka tan Ka tan Ka tan hawn ani e.

Mizawng Mizawng tan kawng hawn ani
Chhandam na zawng tute tan
Mihausa le rethei te pawh
Hnam le chitinreng te ta’n.

Khawngaih na kawng hawn lai ani
Hmelma te bei hramhram ru
Bangloin kross pu zel raw u
Lal lukhum tiam sa ani

He ta kros pu mai langin
Luiral mawi a kan dah tawh ang
Nunna tibo mahse langin
Vana lallukhum a awm.

Thangvan Khawpui Tahan

Thangvan khawpui lam chu pan in nitinin kan leng e;
Van ar a khuang e ngai rawh u zan hi aral dawn tah,
Thim thil tihte hlip in, engthuam iha ang u;
Thawh rim hreawm areih tawh lo.

Nitinin kan pan mek ani;
Hmuthei a kal loin ringna in ka kal ani,
Ko na aw mawi ri chu alo thlen hun a chuan;
Thangvan khawpui akan leng tawh ang.

Saltang te chu thu puang tur in Lalpa’n mi ruat vang hian;
Chanchintha hi hrilh lo ila ka chung apik dawn si,
Khawngaihna chanchintha hriltur a ko te chu;
Hmu chungzel in an kal zel e.

Leilungngaihna kan pel hun in thangvan khawpui achuan;
Tlantu fak a zaitin vawr in thlen hlan ka nghak hlel e,
A mawi tizual turan, boral te chu zawng in;
Thawrim, hreawm areih tawh lo.

Lalpa Ropuina

Word & Tune
Buonglienkung
Aw Lalpa I ropui zie hi tuin am thu’nhril seng an tah
Hnuoi mi hriem qawntirengkhawm in hril fie zo an um nawh;
Tlang le muol le tuipui sung ah, hringtin renghai hin,
I ropui zie hi an suk lang zuol, Lalpa I ropui ngei!

Hiengang lawma Lalropui le, thilthawthei kan nei che hi (Lal-pa)
I ropuina’n hnuoi in-khuma;
I thil thawtheinan I dawm kang a
I ropui ngei Lalpa
Hiengang lawma Lalropui le, thilthawthei kan nei che hi;
Inpakin kan chawi mawi che.
Sim le Hmar Sak le Thlanga cheng,
Hnuoi le vana um po khawm hi;
Nang I hriet naw reng an um nawh,
Lalpa I ropui ngei.
Seol ah zal na hmun, siem langkhawm nang I um si,
Pathien hai chung a roreltu le, thilthaw thei ini si;
I kutsuok mawi tin reng hai le, thla le arasi hai hin,
I ropui zie an suk lang zuol, ropuina kan pek che,
Aw ropui kan chawimawi che.

Thil Ropui Hai An Hril

Nangma thil ropuihai an hril,

Zion kan Pathien khawpui;

Athutiem sie ta ngailo chun,

An dinche a cheng na di’n.

Chatuon lungpuia innghat chu,

Iengin am sukhning ata?

Sandamna banga inhuon chu,

Hmelma ha’n do thei naw nih.

 

En ta, chatuon tuikhur hnarah,

Hringna tui hung luongsuok chun;

I nauhai chawmna ṭha a pek,

Tlaksamna an ṭi ta nawh.

Chuongang hringna tui luong lain,

Tu’m dangcharin chau an ta?

Lalpa chu a petu a nih,

Chatuonin tawp tan aw nih.

 

Chengna hmun tinrengahai chun,

Ropuina hlimna dingin;

Mei le sumhai an in lara,

Lalpa a hnai ti hrietna’n,

Ni tin manna chu a pek a,

An ṭawngṭaina a ngaithlak;

Hosanna inpakna ri chun,

Lalṭhungpha a nghawrvela a.

 

Lalpa zion khawpuia chun,

Lungsietna min ṭhangtirin;

Khawvelin mi hmusit sienkhawm,

I hming chau hi suong ka tih.

Khawvel lawman a bo mek a,

A ropui le mawinahai;

Zion nauhai chau naw chun aw,

Lawman tak an nein aw ie.

Nitin a Thlum Deu Deu

Ni tin Isu ka lungrilin ka hmangai deu deua,

Ama chu nisa nek khawmin a var mawi lem anih;

Ama chu ka tadingin mawina ropui tak anih,

Ni tin a hma nekin a hung mawi zuol deu deu a nih.

Aṭhen khawm hriet phak an nawh,

Hi vakam mawi a hin;

A chun a hma nekin,

A mawi zuol nawk ding anih.

Hlataka ka hmu lai a ropuina’n a mi en a,

Liliparmawi le sikhawvar neka var lem anih;

Ka ditnahai chu a suklawmin a sukzuol a nih,

Ni tin a hma nekin a hung mawi zuol deu deu a nih.

Ka lungril hi lo ngui sienkhawm ama’n a sukhar thei,

Ka rinum lain ama’n a angsungah mi pawmin;

Krista ka suol pop o phurtu kha ka hmangai a nih,

Ni tin a hma nekin a hung mawizuol deu deu a nih.

Thlarau Inthiengin Mi Pawl la

Thlarau thienghlimin mi pawl la,

Lal Isu a hmingin;

Kan lungril a cheng zing sien la,

A thil thaw mei angin.

 

Pentikos nia a tlungin,

Unauhai a ṭhangpui;

Chuong chun an suol sun ang hrein,

Mipui an hung pakai.

 

Aw Lalpa I rawngbawl dingin,

Thlarau hi kan ngai a;

Mi hung pawlin mi thlamuong sien,

Vana tlung hmakhat chun.

 

Thil dang kim chu hmu inla khawm,

Hi hi ei la pawimaw;

Suol hre dinga mi san dingin,

Thlarau chau a ṭangkai.

Enrawh! A Hung

Enrawh sumlai khin a hung ding,

Mi suol ta dinga thi kha;

Mi thienghlim tamtakin an zui,

A hnena ropui le khan;

Halleluiah (3)

Rorel dingin hung a tih.

 

A ropuina a inthuomin,

Mi tinin hmu seng an tih;

Iengkhawm lova ama zawrtu,

Le thinga hemdetuha’n;

Lungngaitakin (3)

Lal Krista chu hmung an tih.

 

Tawtawrawt a hung inri pha,

Hnuoi le van tlanhmang an tih;

Mi tin ama pawmnawtuha’n,

Koluina ri hrieng an tih;

Rorelnaah (3)

Hung ta rawh ti’n ko an tih.

 

Intlanna ei beisei kumkhuo,

En rawh tuhin an lang tah;

A mi thienghlim mi dit nawha’n,

Boruokah hang tuok an tih;

Halleluiah (3)

En rawh, tlanna an lang tah.

 

Amen, mitin in an inpak,

I lalthungpha hmaa khin;

Sandamtu, ropuina chang la,

Ram popo I ta nisien;

Hung inhmaw rawh (3)

Lal ropui hung vak ta rawh.

Lalram Hung Tlungna

Lalram ropui ei nghak zing chu vân khêla khin a um a,
Chu chun mi thienghlim kum tinin an pung ie;
Nihai, hunhai hung kiem pei hin Lalram chu a sukhnai a,
Lalram tlungna ni chu a hnâi ta leiin.

    Lalram hung tlungna ni chu a hnai ta hle (2)
    Aw ka lungril inpei rawh;
    Tawtawrawt inring a ta, Lalpa chu;
    Ropuiin inlang a tih.

Lalram hung tlung ding le a ropui an buotsai beiseina,
Le sandamtu in lang ding lo thlîr zingin;
Chu chun khawvêl suola intâng hnung kha a min tlansuoka,
Lalram tlungna ni chu a hnai ta leiin.

Lalram chu a hung tlungin ei Laldittak chu hmûng ei tih,
Lalram tlung hma’n Lal tak chu inlang a tih;
Halleluiah a thisena mintlantu hming inpakin,
Lalram hung tlungna ni chu a hnai ta hle.

Khawvel hin a nghak sawt ta leiin a lo ngui zo ta a,
Mi lungrilhai khawm a hung chau zo tah a;
Lalram chanchin chu hril ei tiu hlasak in sukhar ei tiu,
Lalram hung tlungna ni chu a hnai tah hle.

Isu Lala Sie

Isu’n ro a rêl a,
Vân ṭhungpha chunga khin;
A lua lallukhum, a ke bulah mi thienghlim leh.

    Ropuiin sandamhai,
    A sîrah an inkhawm;
    Nakie pha chun ṭhang ve ngei ei tih,
    Nakie pha! Nakie pha!
    Nakie pha chun ṭhang ve ngei ei tih.

A ênga um hai chu,
Tiemsêng ruol an ni nawh;
Ropuina lal hmawl châwi sengin,
Sandam nah la an sak.

Berâmte an inpak,
An ta dinga thi chu;
Berâmte thisen hlu lei chun,
Lukhum an khum seng a.

Hmangaina aw thlarau,
Malsawmna’n vur la;
Hnetuhai vân hmun inhawia,
Kan pawl theina dingin.

Krista A Thonawk Tah

Thlân thimah a zal tah, Sandamtu Isu,
Ni hung tlung ding nghâkin, Lalpa Isu.

    Thlân a’nthawkin a tho tah!
    Ropuitakin hmêlma a ngam ta;
    Hnêtu ropui thlân thima mi hung tho khan,
    Chatuona mi thienghlim le rorêl dingin;
    A tho tah! A tho tah! Halleluiah! A tho tah.

A thlâwnin thlân an vêng, Sandamtu Isu;
An dal tumna a thlâwn, Lalpa Isu.

Thina’n a ngam ta nawh, Sandammtu Isu;
Thina phuor a sût tah, Lalpa Isu’n.

Thisen Hlu

Thisen hlu, Thisen hlu,
Thing kraws chunga luong khan;
Suola min tlan suokin,
Misuol thiem ka chang tah.
Misuol dumtak a varna chu,
Kalvari thisen hlu a nih. (2)

Aw, thisen, Thisen hlu,
Vânram mi hawng pêktu;
Vânram ka tlung pha chun,
Ka hla tâwp lo ding chu.
“Thisen, Thisen, Thisen, Thisen,”
Tiin ma lovin sak ei tih. (2)

Aw, tlâng mâwi Kalvari,
Mi’n hmusithai sienkhawm;
Tlâng dang popo nêkin,
Kei chun ka ngaina lem.
Aw, hlimna tlâng, aw, hmun inthieng,
Pathien thisen a luongna chu. (2)

Ka Thla Tho Ro

Aw, ka thlarau tho la,
I suolna maksan rawh;
Tlanna thisen hlu chu,
Ka tadingin a luong;
Ka aiaw Lal hma-ah ngir,
Ka hming a kuta chuong a. (2)

Vansangah a umzing,
Mi ṭawngṭaipek dingin;
Suola min tlan dingin,
Hmangaina’n a mi zawng;
Ei ta di’n thisen a suok,
Hmangai leia luongsuok anih. (2)

Thisen suokin a tuor,
Kalvari tlang chungah;
A ṭawngṭaina a chun,
Ka ta di’n a ṭawngṭai;
“Ngaidam raw aw!(2)
Tlansa suol a thi phal naw raw.”(2)

Ka Pathien ka hmu tah,
A ngaidam rawl ka hriet;
A nau di’n a mi dit,
Ṭi ta der naw ningah;
Nangma ring in ka hung hnai ie,
“Ka Pa, Ka Pa!”tia khekin. (2)

Suol Faina Tuikhur

Immanuel a thizamah,
Suol faina tui a luong;
Chu tuikhur chu misuol ta di’n,
Suol sawpfaina anih. (3)

Misuol thi ding an hemde khan,
Damna tuikhur a hmu;
Ama angin suol inla khawm,
Ami la ngaidam thei. (3)

Kalvari tlang mawi taka chun,
Damna vadung a luong;
Chu tui inthienga kan sil chun,
Ka suol sawpfai a tih. (3)

Thil dang nekin I hla mawi tak,
Hi khawvel thlan hmunah;
Hlim le lawmin inpak ka che,
I mi sandam leiin. (3)

Thisen vadung chu ka hmuin,
Lungsietna’n a sipa;
Chatuon khawmin kang ngai naw nih,
Misuol faina tui chu. (3)

KAN MUONGNA

1. Aw Lalpa tulai kristien hringnun ka dawn changing,
Siemtu nang Pathien dawnsak lova lenghi
Kan va tam ta ngei.
A sie a tha dawn lo le, mani hma sielna in,
Chatuon thina lampui kan pan mek a nih.

Aw Lalpa kan himna, kan tlamuongna chu i nih,
Titna thlaphangna tuok hlak in lang khawm,
Pathien thil thawthei kan nei che kan vangnei ngei,
Kan muongna himna i ni.

2. Ringtu kristien hai lai hin nangma titna a um nawh,
Nuomsip bawlnain thieng le thiengnaw thawin,
Hringnun kan hmanga,
Sim thlipui ruopui han an mi nuoivel changin,
Ti le inthinin bel ding kan zawng ruoi hlak.

3. Lalpa i cross put puma, kalvari i pan lai khan,
Hmangaitu bo le santu ding nei lovin,
I thla an vai maw?
Hmusitna le neksawrna, nuisan hai sien che khawm,
I thilthawtheina’n an ni an inthin khah.

4. Lalpa I ropuina le sum lai i hung pha chun,
Mitin reng haiin i hmel var hmung kan tih,
I hung nawk pha chun,
A cheksaw tu hai che le hemde tu hai ngei khawm,
Ti le inthin in nang hmu tang an ti che

SUOLIN KA LO THI TAH

1. Suolin ka lo thi tah, beiseina reng nei lovin,
Sienkhawm ka Lalpa chun saltang a mi hung zawng,
A thisen thienghlima sawpfai ka nih,
Van Jerusalem thar kei din a buotsa.

Hmangaina tawp nei lo,
Ka sandamtu ropui.
Hnuoi le van kara remna palai I ni si;
Hieng ang lawma hmangaina hi,
Thu’n ka hrilseng naw
Hilm le lawma zaiin inpak pei ka che.

2. Rinum hril ruollo chu ka ta dingin a tuor,
A vuokna invuola chun sukdam ka ni tah;
Thiemnaw chang ka ti nawh ka lung a awi,
Thiem min changtirtu chu Krista a ni si.

3. Rochan Lal Isu, nang chau hi bel ka che,
Thlirbik reng nei lovin ro I mi rel pek a;
Ka tlinna nang I nih, ka mawina chu,
Iengdang po nek khawmin Lalpa ka hmangai che.
!

Kraws a Chun

Isu, kraws min hnaitir rawh,
Tuikhur hlu umna chu;
Damna tui mitin damna,
Kalvari suok chu.

       Kraws a chun, kraws a chun,
       Ka ropui um raw se;
       Ka thlarau a lak pah chun,
       Chawl ka ti varalah.


Kraws bualh, thlarau ṭiin,
Hmangaina’n a mi hmu;
Zing arasi mawi tak chun,
Ka vel a sun eng a.

Kraws bulah, Pathien Naupa,
I ṭuorna mi hril rawh;
Mi tinin mi ṭhangpui la,
Ka chung zawn hliekhu rawh.

Kraws bulah, nghak zing ka ta,
Beisei le ring pumin;
Hmun mawi tak ka tlung chenin,
Vadung ral mawi takah.

Isu Ithu Ka Ngaituoin

Isu, I thu ka ngaituoin,
Ka lungril a lawm hlak;
I hmel tak ka hmupha zey chu,
Ka lawman zuol a tih.
Rawlmawi thil chi tinrenghai hi,
Ngainuom kati thei nawh;
Mihriem sandamtu I hming hi,
Rimawitak ani lem.
Insirhai beiseitak I nih,
An rienghai lawman khawm;
Mitlu ta dingin ngil I nei,
Xawngtu che chunga khawm.

Lalpa Rul Ka Nuom Che

Word: Upa. Ngama

Hun fe peihai lapa lovin,
Khawlai am an tlung ta a?
Kir ruol loving muol an liem tah,
Hun la umhai iengtinam hmang ka ta?

    Lalpa, rul ka nuom che,
    Ka nun le eng puk chu;
    Thlarau mi ṭhangpui sien,
    A hmun li’n rul kei che.

Lalpa, ka hung kei misuol khawm,
Nang hmu lova suol sinthaw’n;
Ka hun sei lem ka hmang so hnu’n,
Hun ler tieng hin par ang I hung vul chu.

Lalpa Isu hratna hmangin,
Adam a thla thim hnuoiah;
Keima anga suolin thlarau a khardanhai,
Ṭhuoisuok ka nuom ngei aw.

Aw ka thlarau khardan sunga,
Lal Krista’n an tlan suok che;
Nang khawm tho la, Lalpa ta ding,
Chauvin hring rawh, kumkhuoa ta dingin.

Aw Lalpa, Kan Inpak Che

Doh is Bb

Aw Lalpa, a chunghnungtak kan inpak che,
Pathien hring le iengkim thawthei I ni ie;
Hnesiehai, bawi, riengvaihai, misulhai Lal;
Fahrahai, rimsiehai (3)
Lalpa le Pathien.

Ṭawngṭaina dawntu Pathien I ni leiin,
I miha’n an mamaw an ngen I pek hlak;
I nauhai ṭap inrum I lo ngai thlak hlak,
Thudik ṭan, thilṭha thaw (3)
I ensan ngai nawh.

Chun hieng hi mi lien, mi chin inhriettir la,
Mipui le anngma doruhai ngei khawm;
Tuhin sandama kan um theina dingin,
Ïengthil am thawng kan ta?”(3)
Ti raw se, Amen.

Hnam tin thim suoksan le bawisuok lo lawm sien,
Chunghnugtakah Pathien ropuitak raw se;
Hnuoi chunga a lawmhai chungah rem rem leng raw se,
“Hosanna, Hosanna,”(3)
Tiin khek raw se.

Chun hnam tin lai hin I hming inzaum sien,
I ram ropuitakin hung tlung pei sien la;
Vana min an thaw angin hnuoia mihai’n,
I ditzawng thaw raw se (3)
Ram tinah, Amen.

Ditlem Thlanghun Anih

Word: Rev. Thangngur

Chanchin Ṭha thu maktak (3)
Thu hi ngai ve ta;
A hi damlai thil ngaituo ding,
Pawimaw le ṭul a nih,
Suol ngaidamna thu anih;
Thi hnunga thonawkna thu lawmumtak chu,
Aw hun inkhelpui naw.

Tuta kum za hnung tieng (3)
Khawlam um I ta;
A hi damlai thil ngaituo ding,
Pawimaw le ṭul anih;
Khawvel suoksan tang I ta,
Van le hremhmun a iem chang I ta? Dit lem,
Tuhi thlanghun a nih.

Mihril van ina khin (3)
Hmun I chang ve ta’m;
A hi damlai thil ngeituo ding,
Pawimaw le ṭul a nih;
A khin hmun I changnaw chun,
Aw lo inngaituo rawh.

Ka Lungawina

Word: Buonglienkung

Damlai khuolzinna ram a hin,
Duthu aiang ka sam hlaka;
Sienkhawm hlimna reng ka hmunaw,
Ka Lal Krista kuomah chau naw chu.

    Ka lungawina Krista anih,
    Ka mawina le ka thienghlimna;
    Thiem ka changna ani,
    Lalpa chu. Halleluiah (4)

Lalpa’n thiṭha ami tiem ta,
Chu ngei chu ka hlimna ani;
Khawvel mihai hmu phak lovin,
Ringna thlain ami vuong kai pui.

Lungawina Krista ka nei hi,
Hnuoi thilhai nekin a hlu;
Khawvel in a pek ang nilo,
Chatuon lungawina kim anih.

Misuol Dum Hnung Varna

Word: Pastor Thangler

Misuol thiengna a um nawh,
Khawvêl tuikhura chun;
Misuol an hung vârna chu,
Kalvari thisen a nih.

    Aw thise, thise, thisen,
    Hi suol ei sawpfaina chu;
    Thisen hlu chu a nih,
    Vân ram ka tlung pha khawmin,
    Thisen ding a um nawh ie.

Misuol dum hnung an vârna,
Thisen hlu chu a nih;
Chu thisen chu ka hmang naw chun,
Vân ram tlung thei naw ning ah.

Ka suolna kaidumhai hi,
Thisenin a min tleng;
Chu thisen chu ka hmang naw chun,
Vân ram tlung thei naw ningah.

Kalvari tlânga thisen,
Vadung luong chu hmangin;
Hnam tin an insâwpfai tah,
Chu thisenhlu luonga chun.

Halleluiah Amen

Word: Kamlala

Aw ropui tak Halleluiah,
Kan inpâk che! Immanuel;
Chawimâwina le Lalna popo,
Chatuonin I ta an lo nih.
    Halleluiah, Amen (2)
Khawvêl hringmi hnam ze tinreng,
Angel vâr leh lung ka ruol ie;
In tlanna thisen hlu zârah,
Salemtha tuol lai kan lêng za.
    Halleluiah, Amen (2)
Aw, ân thukin a vân s6ang ngei!
I varna le I hmangsina;
Thlarau khawvela rimawihai,
Le vân ṭawnghan an puong sêng nawh.
    Halleluiah, Amen (2)
Aw, mi hril rawh, tlûkna ropui,
Ran thlêng le thing ṭawngsephur le;
Vâna lallukhum a inzawm,
Hnuoi Eden le Salemthar leh.
    Halleluiah, Amen (2)

Thumak Ka Hril Nghawk Theilo

Key E

Thu mak ka hril nghawk thei naw chu,
Kalvari chanchin a nih;
Iengtinam Pathien Naupa chu,
Ka sikin a thi tah a?
Kalvari tlang, Kalvari tlang;
Ka ngaituo tawp thei ngai nawh. (2)

Nangni vân-Angel thienghlim le,
Seraphim ropui haiin;
Nitin Lalpa rawngbawltu le,
A ditzawng thawtu haiin;
Kalvari tlang, Kalvari tlang,
Chanchin in mi hril thei am? (2)

Aw ka thlarau chu tlanga chun,
Sun le zanin va lêng la;
I Lalpa Kros lera um chu,
A hringin va hmung I tih;
Karvari tlang, Kalvari tlang,
Chanchin lo hril ngei a che. (2)

Sim le hmar sak le thlanga mi,
A ke bulah hung kun sien;
A chin a lienin a hming chu,
Inpâkin zai rem raw se;
Kalvari ah, Kalvari ah,
An siika a thi leiin. (2)

Ram Thienghlim

Word: Hleia

Ka nghakhla zion khawpui thar,
Lal lêngna vân ram ropui;
Lunglen chângnin ka thlîr rawp hlak,
Hnuoi rium hnung tieng sawnin.

    Aw ram thienghlim, hringna ram êng,
    Lalna rammawi hmu ka nuom ie;
    Ka tlung hma chun aw, Lal nunnêm,
    Thla lovin mi hung ṭhuoi pei rawh.

Chungtieng a lengin thla an zar,
Natna le lungngaina ha’n;
Thina tlangsîp a chuong ei nih,
Thla lovin mi hung ṭhuoi pei rawh.

Damlai khawvêl hi thlir ta u,
Lungngai sûmin a bawm zing;
Hnuoi ram khell a nunthar ngaiin,
Ka ṭap Lal nunnem hmaah,

Fam ngai mi hung hnem rawh Lalpa,
Thina nauhai lawman ding;
Fam ngai lenkawl an thieng zo tah,
Zion ram chu thlir ei tiu.

Joseph Inpuongna

Word: H.P. Runremthang
Doh is D

Tiena kanaan rama ṭampui tlak lai khan,
Sil le fên fak ding ṭha reng a um si nawh;
Jacob sungle kuo hai lung a zing ngei ie,
Sienkhawm an suopui le an lo intawng ta.

    Inpuong faina hi malsawmna bul a nih,
    I unau, rawngbawlpui hai I hmangai am?
    I ṭawngbau suoktin hi mitin damna di’n,
    Chi a saw hmangaina ṭhang ni ngei rawh she.

Ïn unaupa, Joseph kha ka nih an nawm,
Mihai hringna sanhimtu ding ka lo nih;
Lungngai naw ro”ti a hmnagai ṭawngbau chun,
Sungkuo nun hlimna le lawman an tlun tah.

Inremna le hmangaina’n ro rel in la,
Ei ram ei hnam, kohran, ngir ṭha nawk a ta;
Tuktin pâr iengin vulmawi insuo in,
Lalpa hmangai ropui zie hril tang ei tih.

Ṭhe Nawna Ram Ka Ngai

Word: Buonglienkung
Doh is G

Ka khuolzinna ram hnuoi ṭawngse phur hi,
Ka suoksan ni (ka suoksan ni) la tlung ngei a ta; (tlung ngei a ta)
Hmaingai lungzur ka lo ṭhe tahai le,
Vân khawpuia (Vân khawpui a) in tuok ei tih.

    Aw ka ngai ṭhe nawna ram inhawi chu,
    Hmangai lungzuorhai ser ang kimna hmun chu;
    Aw a vân hawi awm ngei chu khawpui mawi chu,
    Ei chatuon Lalpa envêl ram ning a ta;
    A chun Vân angel hail eh lênghmun tang ei ta,
    Hnuoi ram nun hi ngai lovin lêng tang ei tih.

Ei sin inrimna hi ei zo pha chun,
Hmangaihai leh (hmangaihai leh)
Zion ram mawia (zion ram mawia)
Hallo tein ei la lêng hmun ding si,
Aw ka nghakhla (aw ka nghakhla) chu hun ding chu.

Puonvâr sila lêng intlansa hai chun,
Hnuoi riumna (hnuoi rinumna)
Ram ngai talovin (ram ngai lovin)
Vân Berâmte hnena chu inpâkin,
Halleluiah (halleluiah) ti’n zai an rem.

Ka Thu An Nawh

Word: C. Lalthlunglien

Ka thlirvêl hringmi lêng,
Vânglai sawlthing angin;
An vûoiin an ṭil zung zung si,
Khawlam I um an vânglai nun?

    Ka umdan le ka chan,
    Ka thu an nawh;
    Iengkim chunga thuneitu chun,
    A num danin a rêl a nih.

Lengtin nun ka thlirin,
Chantâwk lung a awi nawh;
Chawlna hlimna ti’n an zawnga,
Beiseina thlawn an chang zo pei.

Chûn le zuo rûn enin,
Lunglai a van a ngei;
Kir rêl si lo hrai duotlai hai,
Hun lo tein kan thla liem pei.

Aw ka lam hraw te hi,
Sawtnawtea bo ding;
Hmangai ṭhe tahai leh Lalpa,
Intuokkhawm kâr ka nghakhla ngei.

Hlimin La’n Tuok Ei Tih

Word: Lalnuntluong Faiheng
Doh is A

Hnuoi hringnun thina ram hi ka suoksan pha,
Chun le zuo lo famtahai kha;
A chun hlimin la’n tuok khawm kan ta,
Hlimtakin Lalpa chu inpak kan tih.

    Khawpui mawi chatuon ram ei tlung pha chun,
    Thi le inṭhe ṭi talovin;
    Lungdit fehmasahai le chawnban suiin,
    Hlimtakin chatuonin lêng tang ei tih.

Chung tieng vân inrumna khel ram ropui chu,
Lungdithai kimna hmun a nih;
Hi hnuoi nghawkum hi ka suoksan pha,
A chun ka hnuoi mitthli hul tang a tih.

Ei nghakhla chatuon khawpui ei tlung pha,
Berâmte hmel var hmung ei ta;
Lusun, ṭapna hai bo tang a ta,
Hnung ngai ta lovin hang lêng tang ei tih.

Angel Veng Khawpui

Word: Thangzarlien

Kan zinna hnuoi ram hi, Ka suoksan hunpha chun,
Beramte hmel ditum, lawmin hmu tang ka tih;
Jordan varal rammawi, aw tlungkar ka nghakhla ngei.

    (Aw) Angel vêng khawpui a chun,
    Zai inawi ka tih ka Sandamtu;
    (Aw) Angel vêng khawpui a chun,
    Zai inawi kka tih ka Sandamtu.

Ringna mitin ka thlir, Angel vârhai lêngna,
Tlantu ropui tak chu, hlimtakin an inpâk;
Chu hmun chu maw lo nih, Aw tlungkâr ka nghakhla ngei.

Khawpui mawi taka chun, Ri mawi ropui an rem,
An zai hlamwi rem chu A thienghlim ie tiin;
Chu hmun chu maw lo nih, Aw tlungkar ka nghak hla ngei.

I Mawi Ngei (Hmar hla) by Mary Jones

Serafimhai Hlamawi

Serafimhai Hlamawi
Word: Buonglienkung
Doh is Eb

V^ana khin hril la ning a tim?
Lalpa ropuina hi?
Ropui taka hril la ning a tih,
Chatuon khawmin tawp naw ni.

Iengkim thawthei Pathien chun,
Chatuonin ro a rêl ie;
Vân Angel Serafimhai hlamawi chu,
Sûn le zân reng a chawl naw; (a chawl naw)
A thienghlim ie, ropuina êngmawi tin zam vêl;
Chatuon nei tlak I ni ie; (Lalpa)
Halleluiah, Áthienghlim ie’tiin.

Rauthlain ka hang fang vêl ie,
Chung tieng ramropui chu;
Sandam nauhai ram a lo nih ie,
Aw, a varopui ngei de.

Vân Angel Serafimhai chun,
Zion hlamawi an rem;
Vân Ber6amte chu a thienghlim ie,
Rorelna chu chang raw se.

Chu hmun mawi le inhawi a chun,
Berâmte an chawimawi;
Vân khawpui laituol a nghawr vêl ie,
Seraphim hai zai ri chu.

Mi Ngaidam Rawh Lalpa

Word: H.P. Runremthang

Doh is G

Lalpa I Bible hril lawk angin,

I nauhai laia khawhlona lei hin;

Kan suksiet zo tah I hming ropui,

Mingaidam rawh, mi ngaidam lul rawh.

           

            Aw Lalpa, thisena’n tlan I nau,

            I hming chawimawia suk ropui ding hin;

            Chawimawi a nekin ka sukmuolpho ta che,

            Mi ngaidam rawh Lalpa, mi ngaidam rawh.

Ringnaa mi huoisen f eta ha’n,

An lungkham thei nawh hnungsawn hnuoi rinum hi;

Ram ṭha nawk zuol ngaia inrum an nih,

An ta di’n ‘Pa’ni khawm inzak si nawh.

Khawvel ropuina hliekhu ding le,

I hming ropui chawimawi a nina di’n;

I thilthawtheina ropui tak chu,

Hung puong suok nawk ta la, Aw Lalpa.

Lalpa I malsawmna ka dawng pohai,

Ka theina pohai, Lalpa ropuina di’n;

Ka lungril ngaituona popo leh,

Ka hung inhlan Lalpa, I ropuina di’n.

Isak Pathien

Word: Buonglienkung

Isak Pathien, Jacob Pathien kuomah ṭawngtaiin,

Phunnawi lovin hmatieng chun fe pei ro;

Ei chana Lalpa’n a mi ruok pek ngei chu a ni lem si a,

Lungngai sumpui zing hnuoia khawm fe pei ei tiu.

            Aw ka Lalnunem (tak) Jehove,

            Kan chunga roreltu I nia, (roreltu chu I ni a)

            Hmaṭhuoitu Lal (Isu) Hmar Arasi,

            Kan chung zawn elvartu dingin kan ngai em che.

Harsatna le beidawngna karah lêng inla khawm,

Lalpa chu ei himna kulpui a nih;

Ei hmaṭhuoitu le iengkima ei iengkim chu a ni sih a,

Hnetu Lal Imanuel chun hma ṭhuoi a tih.

Lalpa, hmangaia I mi enkawlna thurûk hi,

Mihriemna chun a suisuok zo thei nawh;

Aw Thlarau Thienghlim I mi ṭhangpuina hi kan va ngai ngei de,

I mi kona rawl fie dingin mi ṭhuoi pei rawh.

Thlarau Meiser

Word: Pastor. Lalbuotsai Buongpui

Doh is Eb

Lalpa I nau hi hung en tam,

Keima a var hrim hrim um lovin;

Zânthim lam ka hung hraw mêk ie,

Thlarau meiser ka va ngai nei aw.

            Lal mi them vel la,

            Mi hung en dik rawh;

Ritlona keimaa umhai hi,

            Hung hrufaiin mi hung sukthienghlim la;

            Thlarau meiser ka va ngai ngei aw!

Hi maw lo nih, thlarau meiser,

Tiena mihrang fam muol intluntu;

Hruihnawk le hlingbuk lai khawma,

Toṭawka zui I lo ṭul ta si.

Duthu ai-ang sâm chang khawma,

Tudang ka ngai thei nawh nang naw chu;

Hlohlingnei laia par rimtui,

Tuorna khelah lawman I lo nih.

Thlemna thlipui hung hrang vêlin,

Dotu lien le râl hugn hrang sienkhawm;

I sulhnung hung zui peiin aw,

I ram tiem hmun chu hung lut ka tih.

Phulo Hmangaina

Word: Rev. Lalnghatlien Songate

Doh is D

Hmangai lungdit fe tahai chun,

Kan zinna ram hnuoi nghawkum hi;

Hnungsawnin tudang ngai lovin an lêng,

Kei khawm lêng kar ka nghâkhla ngei.

            Aw ka lawman sukkimtu Isu,

            I hmangaina ka ta di”n a hlu;

            Harsatnahai kei di’n I lo phal si,

            Phulo hmangaina a lo va ni ngei!

Thlafam ngai pûr ka do lain,

Hlimna ding hrim ka hmu zo nawh;

Sienkhawm I hmangaina ka hriet suokin,

Thlamuongnain ka sip lem tah.

Riengvâi le rimsi hnêmtu,

Ka lungpui nghet le ka himna;

I angsung a chun ka thla a muong si,

I hming inpak naw thei kan nawh.

An lengna rammawi ka thlîrin,

Lungril mitthli’n ṭîn zai an rêl;

Harsatna leia lawman ka chang hi,

Phulo hmangaina alo nih.

I Rawngbawl Sukhar Rawh

Doh is G

Lalpa I rawngbawlna,

Mi hung sukhar pêkla;

Thilthawtheiin thu hung hril la,

I mi inhriettir rawh.

            I rawngbawl sukhar rawh,

            Lalpa kan hung ngên che;

Lalpa ropuiin mi pawl la

            Kan chungah malsawm rawh.

I rawngbawl sukhar la,

I hming ropui raw se;

I hmangaina kan lungrila,

Mei angin êng raw se.

I rawngbawl sukhar la,

I thu mal hung sawm la;

I thienghlimna le thudikna,

Ringna’n min hriettir rawh.

I rawngbawl sukhar la,

Malsawm ruo hung tir la;

Ropuina hi nangma ta chau,

Malsawmna keini ta.

Ka Thienghlimna Krista

Word: James Songrolal Songate

Doh is D

Ka thienghlimna Krista a nih,

Suolbawi anthawk min tlan suokin;

Ka zalên tah, vân ka chang tah,

Ka sandamna Krista anih.

            A ropui ie halleluiah,

            Ka sandamna Krista a nih;

            Ka felna le ka thienghlimna,

            Ka ropuina Krista a nih.

Thina, hringna, inlalna hai,

Vantirko le thuneituha’n;

Krista hmangaina anthawkin,

Mi ṭha naw nih, thil iengkhawmin.

Ralthuom ṭium tak hai nêkin,

Ka suong lem is ka Lal Krista;

Khawvêl buoina chim phâk lovah,

Ringna thlain ka’n leng dêr dêr.

Isu le Chun

Word: T. Romama

Doh is E

Chatuon ramhlun chu ei pan mêk,

Buoina sûmpui huolvel kâr ah;

Lawm le lungngai ni ei tiem nawk hlak,

Buoina khêl rammawi ei tlung hma hin chu.

            Isu (Isu naw chun Lal Isu naw chun) naw chun

            Khawvêl a hin hring hi iengmalo el a nih;

            Khawvêl varna khawm teplo a nih,

            Sienkhawm Isu le chun iengkim thaw thei a nih.

Harsat tuokni’n a mi ṭhangpui,

Thina tlung khawmin a mi hnem;

Tlaksam khawmin mi thlathlam naw nih,

Isu le chun iengkim thaw thei a nih.

Theichang kûng hai parvul nawin,

Lo in fâk ding insuo naw sien;

Huonga ranruol inlawi naw sienkhawm,

Ka lawm pei ding si a Lalpaa chun.

Berâmpu ṭha Lal Isu chu,

Hratnawhai ṭhangpuitu a nih;

A hnungzuituhai phatsan ngai lo,

Hmaṭhuoitu le nghilnei zâidam anih.

Lal Isu Ka Nei Tah

Word: Lalsangawi

Doh is Eb

Lal Isu ka nei china chun lampui chin hraw ka lo nih,

Ka nuom zawng thilhai thaw chu a rem ta nawh;

Ka chantawk a lungawiin harsain rinum sienkhawm,

A ditzawnga um dingin Lal Isu’n a mi nghak zing.

            Ka hringnun hi aw a bop ha chun,

            Ka thlantu hmel mawi ditum chu hmung ka ta;

            A chun ka hnuoi mitthli mi lo hrufai pêk a ta,

            Ropui takin leng ka tih, Lal Isu ka nei ta si.

Hnuoi hausakna inlalna le ropuina nein aw langkhawm,

Lal Isu nei ka tadi’n a hun tawk ie;

A hmelsiet ding ka phal naw, a hming chuoi ding ka phal nawh,

Ka iengkima iengkim chu Lal Isu chau hi a nih.

A harsa ngei khawvêl hi chu lungawina reng a um nawh,

Insanglemna beiseiin hmun a sip zo;

Ieng dinga ka buoi hlak am iengdinga ka lungngai am,

Lungawina him Lal Isu ka ro chan hlu a ni si.

Hungro Hungro

Word: H.P. Runremthang

Doh is G

Tiena inthawk chanchin ṭha ei dawng,

Hmangaina le inremnain ro ei rela;

Sienkhawm Lalpa maicham a chim zo tah,

Thaw ro, Lalpa maicham chi siemṭha nawk ei tiu.

            Hung ro, hung ro, Lalpa kuomah,

            Hung ro, lalpa kuomah kir ei tiu;

            Mi lo keinawi ta sienlakhawm,

            A mi sukdam  nawk ding a nih,

            Mi lo sukna ta sienlakhawm,

            A mi tuom nawk ding a ni si.

Tu lai ṭhangthar nun ṭhalaihai hin,

Khawvel tar nenetui umlo chu an fawp a;

Khawpna umlo, beidawngna chau a nih,

Hung unla Krista hringna tui chu dawn ei tiu.

Ei ram le ei hnam humhimna di’n,

Chengrang chawia doral ropui rel a ngai nawh;

Ei ralthuom chu Gospel chau hi a nih,

Chu ngei chu ei inhumhimna di’n hmang ei tiu.

Hlunlo ram thlirin ei buoi zo tah,

Ei sakhmela hai khawm lawman a um ta nawh;

Lalpaa ei lawman chu ei hratna,

Chungtieng thlir ei ta hluo senglo ram a la tam.

Muvanlai iengin ringtu nun hi,

Ei hlimthla chu hnuoiah inleng vel sienkhawm;

Ei hringna chu vansnaga leng a nih,

Suol sukhlum thei lovin Lalpa’n a mi dawmsang.

Ka Iengkima Iengkim

Word: H.P Runremthang

Doh is C

Khawvela hin inrieng thlavaiin kan ngaia,

Oasie ke saruok el nia kan ngai lain;

Ka suol leia Lalpa tuorna ka hang thlir chun,

Hril ngam ruol an naw ie aw a tuorna nat zie awh.

            Ka iengkima iengkim I lo ni Lalpa,

            Ka vhung le hnuoi tienga I min huol vela;

            Ka vawi le changah hin nang I lo um si,

            Ka iengkima iengkim I lo nih Lalpa.

Ka hnuoi tieng ka enin, ranthlengah I zalna,

Ka chung tieng ka en leh I lalṭhungpha ka hmu,

Ka sir tieng ka enin I tuorna ka hmua,

Ka hma tieng ka thlir leh beiseina varmawi ka hmu.

Lalpa tuorna khela tukhawm an um nawh,

A ropuina chunga ropui tukhawm an um bawk nawh;

Nangma leia kan hamṭhatna hi aw Lalpa,

Ka ngaituo chang hin aw, hlim zai vawr naw thei kan nawh.

Sandamtu Miṭhuoi peirawh

Word: F.C. Thanzawma

Doh is D

Damlai khawvel a hin lungawina kim reng ka hmu nawa,

Beidawngna le buoina, harsana’n nitin an mi bawm;

Sienkhawm mi hmangaitu’n ka beidawngna a hriet,

Mi’n thlathlam ngai reng reng naw nih.

            Sandamtu mi ṭhuoi pei rawh (mi ṭhuoi rawh)

            (sun zanin) Damlai thlaler hmun khawsawtah;

            Suol leia hliem tuorin, chau chang ni um sienkhawm,

            I hnung zui pei hi ka duaisam a nih,

            Inthlathlam phal ta nawng ka che.

Mi hmangaitu Lalpa nang naw chu tu dang am bel ka ta?

Lungngaina zan thima ṭhuoitu I nih ienglai khawmin;

Ringum lovin Lalpa, inphatsan ang che khawm,

Mi lo hnar bik el naw la aw.

Krista hmangaitu ha’n lungawina le muongna chu an chang,

Ringna in an fe pei ramhai an lak kir an rel naw;

Kei khawm hi ringnaa ngir a raldo dingin,

Thlarauvin miṭhuoi pei raw aw.

Vakvaile Fehmang Mekhai

Word: T. Romama

Doh is D

Aw vân Thlarau Thineghlim hung leng nawk la,

Mi umpuia mi veng hlaktu kha;

Lungsietna rawl lo hnawl hlak in la khawm,

Suol tuipuia ka pil miphal naw rawh.

            Vakvai le fehmang mekhai,

            Hnena puongsuok theilo hliem tuor mekhai;

            Ṭhuoi kirin kan sukdam zo si nawh,

            Sûnni’n tawi a harsa ngei I ṭhang naw chun.

Vân hmangaina pâr tlana leng hnung khawm,

Suol leiin ka lo inrum nawk hlak;

Sienkhawm I kuomtieng hung thlir pei ka tih,

Hratna tharin lalpa min thuom pei rawh.

Kohran hai hi sininrim inla khawm,

Nangin I ditzawng min chuktir la;

Lam indik hraw a kan inngai sung hin,

Ringna mitin min hmufie tir pei rawh.

Aw nang chatuon lalpa I ṭhangnaw chun,

Hi hnuoi rosum le iengkim hin;

Ropuina le umzie reng a nei nawh,

Kan hratna le lawman I lo ni ie.